尋日，同sky旦丁習武玩得好開心，不過總係覺得唔夠喉!咁我就算啦!自己技術未足，不如下次再戰啦!

不過sky呢個專業人士，對住我地，又點會玩得夠過癮，佢當然會搵人比賽啦!哈!估唔到佢真係咁做!

咁佢尋日打比我，佢話又贏左把獎品返黎，我諗:「佢係咪走火入魔，打左成個下午?仲唔夠皮?」不過我地兩個挑起佢條癮，由其係同旦丁夾個下，sky係鍾意玩齊齊上，或者係咁，增加左佢既戰意...

咁佢既能力，呢d比賽級既高手，去到間館，基本上香港就快冇人夠佢揪!咁挑館當然佢唔洗輸槍頭啦!仲要贏獎品啦!佢今次就贏左把劍，佢打左13個回合，當然佢係贏13:0啦!

上次羸左把日本刀，今次係中式劍，劍略有少少重，手感都幾好，我都覺得係一把好劍!

當然挑館我冇得做啦!始終我唔係武館既人，就算我真係打得有幾勁，一日都唔係武館人，一日都唔挑得!

講起武術，我今日同sky，去左觀塘偉業街個邊睇武術用品，不過我同佢去到，就覺得唔錯!因為呢我學拐，拐向來都冇咩典章去記載，話就話歷史長遠，但係呢光碟教學冇，參考書又冇，套路書又冇，最基本而家香港買到拐既地方只係旺角文明運動用品中心，深水步欽州街聯發祥，其餘地方相信係要去到武館先買到!唉!原來拐係香港都係辛苦命!

香港甚少有人識得用拐，因為刀劍棍居多，不過呢始終香港冇咩人會參與國術，好多都零願去打boxing、kick box、跆拳、柔道、居合道...其他既都係好少，好簡單香港洪門既武館都唔係多，由其少既係詠春，最多係太極!始終d人唔明國術既意思，不過係既，好多野都好玄，唔係一時三刻可以領悟，不過咁樣亦都係暴露左人性欠缺耐性既一點...