尋日呢，我就就係9點已經起左身返工，平時我多數做午市、下午茶同埋晚市，早餐時段其實我係好少做，除左個時岩岩入黎公司做，我先至多接觸。

久別重聚既早餐，令我諗起我平時食得最多既餐旦通，簡簡單單，唔洗多花巧野，我就好鍾意，我唔要老麥既扭扭通，因為扭扭通太貴，根本唔值咁既價，事關我公司同埋其他係上水既同業，一個通粉餐，例如退通加一杯冬T，仲要外賣都只係20蚊，麥記邊到得?

講下兜通粉既內裡，假設麥記vs茶餐廳係同樣地火腿通粉，除左通粉唔同，基本上茶餐廳係好少少，例如茶餐廳會做「過冷河」，令通粉富彈性，另外有時業內做法係用湯爐滾起，而麥記我知到佢唔係用湯爐，而係佢就咁用微波爐叮，所以呢先至有咁快既效率，通常茶餐廳做最快，以我公司計，最後生既水吧好似阿基咁，佢整比我食都要3至4分鐘，另一個年紀比較成50幾歲人既成哥，都係3至4分鐘，我老闆「校長」最快2分半分鐘，老闆個細佬成哥都係3分鐘，大埔鴻利老闆我唔知點稱呼既，即係都係我老闆之一，慢少少(因為係廚房人)，都係3分半。

論奶茶，基本上我去到邊飲冬T飲到邊，除左有d已知質素甚差既我唔飲之外，基本上我都都會試!奶茶既做法係，先將幾種茶混合，由於唔同餐廳有唔同做法，西餐廳用單一紅茶+奶+糖水+冰，比例大概係茶4:5:1，通常都係奶多茶少，茶奶+10比1甜茶，10比1意思係一個jar既容量分10份，糖1/10，茶係9/10。我知道麥記係單茶，咁點同茶餐廳混合茶比?

混合茶既比例，行內係基本上只有老闆知，最多加埋老闆既仔女或者兄弟姊妹，員工通常都唔知，甚至冇可能接觸，水吧既員工都係，呢個就係行內既行規同埋商業秘密，茶同日本既拉麵店湯底一樣種要。

講下其他野，尋日開工就我足之都可以寫得好快，我識得寫晚市，因為向來我都係冇正式做樓面，我做既就係外賣，雖然我係屋企鋪頭以前係有做過樓面，而我係技能係比較多既人，雖然我媽係以前rainbow做過樓面，不過我覺得佢唔得，唔係唔識做，而係欠缺效率!寫得慢...

15個鐘其實係辛苦，我同sky一樣都係長時間工作，大家做既係同一行，所以知道辛苦何在，不過當然佢勁過我好多啦!因為佢差唔多識哂茶餐廳既崗位，除左「執碼」，「執碼」呢個位係極之難做，我公司晚市既細師兄就係啦!佢係幫大師兄手既，我只係見到大師兄係到「玩火」之際，佢就係咁整材料，係濕到仆街既廚房周圍整野!辛苦呀!

飲食行業我好鍾意，但係要做真係好辛苦，因為真正既飲食行業精粹係茶餐廳!快、多樣性、多技巧，呢個就係我對佢既感覺!