呢排天氣成日都係熱之餘仲要時晴時雨，搞到我好多時都唔知帶唔帶傘出去，有時侯有傘冇雨，感覺令人生氣，但冇傘有雨既時候，個一刻簡直令人火爆。

今日起左身之後，我就執齊野就去左sky屋企，今日有旦丁、聰、jack...

咁今日冇去「天梯」練(天梯係一個練習地方，地方係邊當然唔講啦!)，我地揀左「綠地」，綠地向來都係我比較多用既地方，加上地方都唔細，有亭又夠近，仲有掃把可以掃一掃個場，清走d樹枝樹葉幾好!

我係學左兩個月拐既時間，本身都覺得拐就幾難學，不過我今日都有突破，唔知點解今日手風都順，就算對住sky我唔驚，對住阿聰用d我差佢幾百萬既打法，我都唔驚，反而係內心冇咩野諗，一切都變得空白!就係咁樣，我覺得今日都唔錯，阿jack仲話我進步左好多!

旦丁今日依然都係隻手未好返，佢唔似我咁好彩，所以今日都係變左睇劍經，都好既，返正佢都要努力既面對劍既問題，雖則我唔太識劍，但睇到既都有唔少，當然我未可以完全明白，因為我接觸既係拐，唔係劍!

聰依然都係我行我素，我想講既係佢好多野都係未識，求勝心強，反思心弱，處於攻防思維於「一就一，零就係零」，講真邊到攻同防既區分，如果我既角度去睇，攻=防，唔需要分得咁清!

jack既棍，今次佢帶左自己個枝私家棍，不過比我預期中唔係咁理想，佢個想係滕棍，jack仔高約162cm，枝棍仲要比佢自己短，開頭我都以為佢用齊眉棍，又或者用大size既企高舉手中指既長度，不過都打得ok既!

今日都有d小意外發生，我同sky打緊個時，我因為場地濕淋淋既關係，有滑倒清況出現，幸未有大礙!另外聰就今日sky，佢比sky爆腳止，睇落都係小傷!

希望sky搵到一個安全槍頭!