今日我12點返工，一如既往我係傳菜同送外賣加寫單，做一個「鐵人28」，老闆又係到希望我多返工，但係佢地始終唔明白，我到呢一刻我好想多d時間玩，返工係好!但係我都係要堅持我玩既原則，我去玩我就多數都唔返工，我去做野開工，我就會好少再去諗幾時去玩。

咁我今日開工都幾開心既，例如有我老闆個細佬既女，即係成哥個女，呢個女仔叫阿be，好似係16歲定唔知17歲，身材高挑，樣子唔錯既，對眼似成哥!當然佢就一d飲食行業功力都冇，真係凍檸茶就係寫「凍檸茶」，講真寫「冬0T」都好d ar!不過初來報到，岩岩入行，係咁上下!我相信佢可以係短時間之內，會可以好似佢老豆成哥咁勁，我其實好欣賞成哥，教得有個咁乖既女，相反我老闆個仔同個女，唔幫老豆手，做到老豆傻，仲要打電話幫拖既時候甩底!

angela呢個同事，都係對住我傻瓜咁經理前經理後，的確我個朵真係叫經理，但係唔洗咁搞法既!

有個更好既消息，我既同事豬欣終於都消失係鴻利茶餐廳，因為佢既白痴野已經令到老闆非常生氣，我老闆唔少佢，都只係因為老闆當時仲未搵到人材可以長頂晚市，先至唔炒個條撚樣。雖則豬欣係女人，但比我感覺都係蛋散一件，因為佢做既野經常要我執佢d手尾，40歲人仲係一個小朋友咁，也難怪今日既佢都仲係一碌蔗，仲係single!

咁我既新同事晚市既係開姐，開姐份人幾好，原來佢係以前係做酒樓知客，咁都覺得佢幾厲害，因為酒樓需要既技巧係比一般食店既技巧仲要多，例如係要打好人濟關係、效率好、識得令客人開心、要講得笑之類!如果叫我升一個grade做酒樓我都怕自己應付唔到，不過呢d都係遊戲，玩得多自己就會知點樣玩!

不過佢有幾強都敵唔過職業病，佢有坐骨神經痛!所以做唔到長時間工作，我都覺得幾慘!周身骨痛，食唔安坐唔落!希望第時痛既唔係自己啦!