向來，我都係多比人蝦個類，但係唔甘心係一個弱小既局面，的確我係一個每天力求上進既青年，我唔想自己每天過著羊既生活，要過就要過著獅子既日子，零可做一日獅子，莫做一百日羊，講真我領教過羊既日子，每天飽受威脅迫害，日子過得不易，不過今日既我，我可以咁講我活得豐盛，因為我親手爭取!

今日係公司返工，我無啦啦比我阿頭irene串我話埋野埋錯，咁我覺得埋錯野，做返好咪得lor!成哥話我做得唔好，話兩句係咁上下，最乞衣既係irene仲要係到加把嘴，即係所以話呢，呢類型既女人，簡單一個形容叫做臭八!

我係果個時候當然係不甘示弱啦!我就講左個句:「你出少句聲係咪死ga?」irene即刻冇聲出，我會係呢件事咁睇，如果得成哥話我，而irene冇出聲，我覺得合理，因為事件係關於我同成哥之間，咁就算成哥罵我爆哂粗，我都覺得仲可以接受，但係我最唔鍾意係他人介入係到加鹽加糖，我會覺得介入者係到狐假虎威，食住個勢係到屈機!呢種人我最睇唔起!

之後我問返佢d價錢既野，我唔記得左可樂單飲幾多錢，之後佢話:「又係你叫我唔好出聲既!」我心諗既然你做到咁，我又何必同你客氣，所以我落單打價好撚求其寫個可樂咁就算，講真我比面老闆校長同埋成哥呢對老闆兄弟，我先至仲做到12點，如果唔係我肯定會同太子仔講提早出糧即走，話之你晚市做到仆街冇人頂更!我肯定會即去百老匯買定DV機拍低佢做仆街既情況，一路煲煙一路拍，仲要一路睇一路笑。要做毒d，梗係同d單車玩放氣啦!單車唔係壞呀!不過條胎冇氣踩唔到之嘛!睇下公司第二朝早餐時段個d外賣會唔會亂哂大龍，因為上水潤記最早開門都要10點，鎮洋都係差唔多，想幫架車打氣又唔得，嘩!個下真係爽!

irene好多時候都係唔明白自己講每一句說話都會影響身邊每一個人，而重要既係佢往往都係得罪人多稱呼人少，一個豬欣可能比佢玩謝左，但係我唔會，我當然會有手段去對付佢，話就話一場同事冇咩事!其實唔係囉!

有時候，我份人就係咁狡猾，要奸當然係要奸到足，理由好簡單，呢個世界係好多野本來係要取巧，而狡猾係一個重點，人善被人欺，做得善舉多，唔代表有人會尊重你，但係學懂狡猾，至少唔洗比人蝦，而係輕易地控制一個大局，而自己亦可以從中鑊得唔少既利益，我敢講一句，我以前既仁慈原來換來一個被人欺壓既後果，我唔單止得唔到快樂，仲要係每日都處於弱勢!咁快樂從何來?咪就係從狡猾中求...我最鍾意用手段去玩人，唔洗自己出手，自動有人自己報名玩，我做既係比甜頭同策略，而自己得到既係受害者被「娛樂」既過程既快樂，當然自己唔洗跟手尾，又冇責任要負責!

或者一個環境令我自己既報復心好重，但我唔會覺得自己有錯，因為我做既只係要反擊!