今日我同sky、yan仔、fort同埋渡輪，幾個一齊去左富達neway唱k，其實呢我到咁耐都係去左幾到唱過k姐，廣華ceo、瓊華、元朗舊墟，唱k當然係有好多回憶啦!咁有同唔同既人唱啦!有人唱到喊，又試過同自己既女友一齊唱啦!

咁今日我真係滿帶疲憊出到黎旺角，因為我返完之後又練拐，又夜訓既情況之下，基本上我真係眼訓到不得了，不過難得有得出黎玩，又點會放過呢個機會?其實我對唱k嘛嘛，因為我真係覺得唱k係一件有點無聊既室內活動，不過難得sky係廣州打贏左比賽，又未同佢慶祝，咁一次半次又有咩所謂!

去neway唱k有機打，即係winning11，不過我都唔鍾意打呢d games，踢波不如去球場踢!咁成班男仔，當然我作為觀眾既當然係睇波啦!當然我覺得電腦波真係踢得好肉酸，點睇都係覺得真人踢好睇好多!

neway向來d冷氣都係凍到仆街，今日係富達都唔例外，凍到阿fort起哂雞皮!陰公!

neway係我印象最深刻係同前女友加埋一班fd一齊唱，而前女友當然係青蛙啦!我試過同青蛙d fd，又試過同自己d fd一齊，講真點會唔好玩，當日有佢係身邊，好難忘!但時間亦都好快過，我好想留住個一刻，好可惜我搵唔返，呢個亦都係一個人生既遺憾!