呢一刻，我覺得好唔知點，明明知道自己係下午既時間已經習武完畢，應該點都會有點兒累，但我而家訓唔到!

我嘗試用好多方法令自己訓，但訓唔到!可能係因為係幾個小時之後，我會有wargame既活動，我開心到訓唔到?冇理由呀!我都打左好耐wargame，按道理個心情應該係平靜!

講下自己野，我今日去到青衣其實都知今日個地好濕，基本上係冇得打，講真係既都係玩下居多，而唔係真係打，咁今次上山有好多人，例如sky、旦丁、我自己、silver、帕gap、阿rain、肥妹、一個我都唔知點稱呼既男仔，仲有好得意既chaser!

本來今日係習武，由於地下太濕既關係，所以安全理由底下，習武都變左做玩槍!

基本上，係山上面既人，冇幾多個真係識操得起枝槍，除左旦丁同sky，其餘既人我都係睇唔到有正確姿勢，不過算吧啦!新丁菜鳥係咁上下，唉!黎緊幾個小時后就要同佢地夾，都有d擔心，希望我可以幫得佢地幾多得幾多，我都對指揮官崗位都ok熟既，不過難就難在d人聽唔聽得明個order，有d就可以好似sky咁，一講就明!有d就可以好似碌葛咁cam，個d叫做「唔知佢做緊乜手撚野」，又或者蠢得太離譜，真係叫佢返屋企養豬啦!

今日我仲去左聯和墟會黑炭頭阿jack，佢比返頭笠我!久別重聚既頭笠，見返佢真係分外開心!阿jack亦同樣，佢仲比我睇到佢鍛練物體既成果，的確佢真係大隻左少少，係一個好開始!

之後再戰下一城同細佬一齊去boardway買電話，咁我個部舊野K310i都係時候退役啦!用左2年幾，d活動能力都死死下!咁我本來係打算買sky個部同款既w910i，不過價錢太貴啦!而且好多功能都係多9餘，我用唔哂!之後睇到一部w580i，d功能又幾fit自己，咁樣我就用左1880蚊取得心頭好!哈!我好開心!