尋日我就同我老媽子加埋細佬一齊去左我阿婆既老人院,今年新年同往年好唔同,例如我地唔會再同阿爸過新年,因為佢所犯既錯簡直係冇可寬恕,而且佢到今日都唔認錯,咁真係唔好意思,機會就比左佢,但佢都係堅持己見,咁我地都冇辦法,只好比佢自己呆滯咁獨留家中,自己食自己...
咁我地三個就一齊去左阿婆到,我既阿姨同表弟已經到左,例行地,我表弟肯定又要我同佢玩,我就諗如果我第時有個咁得意既仔,我都肯啦!當然都要老婆仔肯啦!^^
之後就係個d收數時間,咁我今年出席既親戚都唔多,最開心都係同舅父傾計講車車,咁我都覺得舅父揸車技術不錯,咁我都係佢身上獲益不少既!
係老人院,主要d表弟同埋一個表外甥一齊玩,我同細佬呢d咁鬼大既表哥同表舅父,點同佢玩得埋呢?咁係一個好悶既情況,我同細佬一齊去左一個小角落食了根煙...
咁拜完年,又冇理由返屋企對住座古老石山,話知佢玩自閉啦!我地3個人就出左旺角,年初一既旺角同平日既旺角真係好唔同,例如以往迫爆人既旺角,尋日居然水靜鵝飛...以往係新之城打灣岸,其實基本上係個到係好難會win既機會,尋日可能都係得到愛情的滋潤啦!開頭雖然係要連輸5場,我都覺得幾無奈,之後我就用隻手攞一攞老婆仔比我既包包,之後我就入銀打,功效好神奇!一take過,我一攞就攞第一!
就咁樣,一個好悶既年初一就咁咁渡過左!
|
