今日我就好開心啦!miss余格外開恩比我打鼓,Mr Gradner同我傾計,仲要有得同老婆仔見面,仲有得拖手手!真係好開心...
咁今日係第一個消息個時,我由廁所出黎個時,面對住音樂室,見到有d野唔係好尋常!咁我見到有set鼓,當然就想切磋一下啦!不過我就諗,miss余個為人唔會咁好,比d學生係佢既課餘既時間搞個set鼓,始終鼓係一件幾嘈既樂器,當然就唔係比學生亂咁搞啦!咁今日呢套鼓係yamaha,d 喳同hi-hap呢就係個d thunder,唉!miss余話隻yamaha hi-hap唔見左,的確係幾令miss 余傷心!不過我就要求唔太講究既,有得玩咁就算ga啦!最後我就係音樂室玩左一陣,我當然覺得開心啦!
人逢喜事精神爽,一浪又接一浪,咁今日就好開心可以同到老外阿gradner係學校吹水啦!咁同阿jack加埋阿釗仔一齊,3個青年加埋一個老外,岩岩四個又真係幾似打麻雀,咁就了解左好多grader既興趣、佢既屋企人、食野方面、旅遊嗜好個d啦!哈,原來gradner雖然一把年紀,但係講起笑上黎都幾好笑!
同gradner講聲bye之後,我就返到屋企,無奈地我既電話岩岩今日用完哂d儲值金額,咁我當然就要為呢個電話餵佢食野啦!如果我唔餵佢,我仲邊可以同老婆仔傾心事呢?
增左值之後,我就係龍豐同上水中心遊左一陣商場...咁岩老婆仔打黎,佢就岩岩返到屋企樓下,之後就要出外學琴,係呢時候,我就同佢傾左一陣,之後就off左啦!本來我諗住一路行上水中心,一邊等老婆仔,但係我等左咁耐都未見老婆仔打電話比我,開頭諗住老婆仔好累,之後就走左過去龍豐買左個橙色既燈,不過老婆仔話係屎色wo,咁我都係叫返屎色啦!
正係我返到屋企樓下之際,老婆仔打比我,咁佢就留返個機會比我見面,今次係我第一次為左佢,放棄左快d同屋企人食飯既時間,我零可冇左屋企,都唔想冇左老婆仔,咁老婆仔今日係學琴,係學琴前佢同我一齊過左段好開心既時間啦!係由屋企出發個時,我係以越野速度仲要快咁跑出黎,的確係走到上氣唔接下氣!連問老婆仔位置都講到唔清唔楚,為左老婆仔,跑呢d野又有咩所謂呢?
今次係我同老婆仔開始左之後,第一次可以同佢係夜晚時間見,另外我仲有第一次同老婆仔拖手手,原來老婆仔隻手手好細,仲要係好暖粒粒ga!咁同佢傾左陣計,我仲睇到老婆仔隻腳係傷得都幾痛,的確係要親眼見到先至知道幾傷,我係個一刻非常心痛!
之後老婆仔唔知點解係d柱轉來轉去,其實我零願佢多d坐低休息,比隻腳唔洗咁受壓!
最後老婆仔因為要學琴,佢媽咪又叫佢快d行,咁只好不捨得地同佢講bye,係講bye之後,我又有同佢講7個字,7個字係老婆仔最鍾意既!本來我諗住kiss老婆仔,不過佢媽咪又係附近唔知邊到,咁最後只好打消呢個念頭,零可安全一d,總好過比佢阿媽發現,至終都係小心好d!萬一比佢媽發現,咁我同佢都大煲啦!佢又比人罵,我最驚係老婆仔佢媽反對我同個下...
今日好開心,又有驚喜wo!真係開心到嘴角都撓起!
我好祈待星期五,真係好想同老婆仔又一次見面!
|
