呢兩日都係陸運會,尋日我細佬跑男乙400米,今日到我3000米比賽,再加埋4x100學會接力,相信呢個陸運會好可能係我最後一個中學陸運會,雖然係最後一個,但係今年我總算玩得開心啦!

尋日我細佬400米跑得第2,可惜400米係計整體時間作為比拼,可惜佢得第9,算啦!陸運會唔係我地發揮強行既地方,咁我3000米就用左15分半接近16分時間完成,咁今日風速都幾大,約有3至4級,令我跑個時什感吃力,咁阿jack就好好彩,開波個下攞個位好靚,令到佢成功地攞到第6名,我只係得到15名,不過是旦啦!能夠同一班越野隊既隊員跑,而且又可以感受到電兔曹百堂既威力,呢個係一個好好既學習經歷!

係跑個時風大,又曬,講真一d都唔好受,係跑黎講,連長跑高手杰哥都話呢d天氣跑得非常辛苦,咁曹百堂今年已經係第三次做3000台主,真係好厲害!如果佢可以入去香港田徑會,相信係大有作為...

之後就學會接力,我同細佬加鵬鵬,再加細細粒又好勁既張經文,不過我地對住越野,又足球隊,仲要甲乙排球tim!開波個下鵬鵬跑第二,我接左棒之後變左好似係第三,到我細佬個轉,由於佢個堆全部都係高佬,又係甲組,但估唔到我細佬都仲可以咬得住...雖然最後我地輸左,但係我地都好開心!