近日係國美電器呢間新既電器店買printer,係laser printer,機身都幾大,比以前既epson大好多,其實點解我點解會選擇買呢部機,一來係我老豆出錢,二來espon printer既機齡已經10年了,機件已經出現老化,例如會係print野個時,print到一半就死機,一係jam紙,一係就print到一半就嘔在張紙出黎,講起黎呢部printer講真係激死多過食飯!

係部espon趁佢未老到死個時,我地就早幾日就走左去國美,新一年咪當送舊迎新lor!反正又有舊機回贈,可以攞部舊printer換,可以有現金回贈500蚊,都抵ar!

咁今日就送貨,部機朝早黎左我屋企,我老豆係屋企做接件人,對於我老豆係一個電腦白癡黎講,佢對住部機d碳盒,可以話係摸不著頭腦,有時我都覺得佢電腦係幾差,去左咁多次電腦班,學左咁多電腦野,佢都係咁!唉!我呢d雖然對printer既認識唔多,但我已經識得點樣安裝一部機,其實係好簡單又容易既事,碳粉盒只係需要好簡單咁一拉,同拉手榴彈既保險絲無咩分別,有時都覺得佢用腦唔多,變通少少咁咪得lor!我就覺得屋企人既電腦skill真係好唔掂,老豆就電腦白癡,阿媽學左電腦,好可惜未能應用係生活上,所以都係冇用,我細佬係屋企第二叻,不過佢叻電腦,唔係叻在於應用,而係遊戲,或者佢未來做個份工係可以同games有關,不過佢好多基本野都係唔曉,例如安裝一d硬體,佢都係唔曉!所以屋企部腦,維修完之後都係我去重新fix過!

2007年既開始,唔知道呢一年將會發生d咩事,18歲既我依然都係人一個,17歲既我面對好多唔開心既事,更有好多抑鬱既問題困擾,坦白講,我曾有放棄生命既念頭,但係係一個重要既關頭,我得一位對我親切既人,那人就係同我經歷好多唔同既問題,什至很多很多既離離合合,最終可以同佢走近了!

2006年,根本唔會覺得開心,每一日返到屋企,每一日就要流眼淚,喊會喊眼都腫埋,我唔想喊,但偏偏有好多因素令我唔開心,我唔想再喊既時候,一大堆唔開心既野又衝著我而來...

希望唔開心既野,會著住一年既開始而過去,鍾意既人可以鍾意自己,什至相信自己,此終相信比鍾意個一刻更重要,有信任先至有愛...

會考,唔想諗太多啦!反正考完之後都係唔多分,努力幾多得幾多,中六中七上到既機會率接近係少於10%,咁其實讀唔讀都係分別不大...

我零可跑出來,到市面工作,反正自己又唔係未做過工,係唔正規,但係總算叫做有工作經驗,我覺得工作雖然辛苦,但係總好過係學校,終日冇所事事!好悶嘛!