| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 12 月 11 日 星期一  |
玩死人既會計  |
分類: 未分類 |
今日考英文1A同會計,咁英文就根本同時間拼命,我同JACK都做唔哂,因為英文D時間真係好緊迫,比一個鐘,但係做同搵都要花好多時間先至可以溫到個料,有時我都覺得教統局一味就係到叫學生倒米,咁少時間根本做唔哂,幸好我答既野都可以係準,係task1都可以好準咁答到,不過昔改同task3都係做唔哂,似乎係好挑戰我既英文速度,我都好想英文唔好咁狼,比得一個鐘的確唔夠,我好多同班或者隔離班d fd都話做唔哂!如果係會考既,我諗緊會唔會又係做唔哂,如果一樣地係做唔哂,咁就真係要大聲叫個「頂!」字..
會計簡直係叫我想死,d題目出得好複習,我尋晚已經溫得好多野,做又左左唔少時間,我自問我真係做左好耐,但我諗極都唔明Q5講,一味話折舊,又話借錢借比唔知邊個,我睇會計好大機會得10幾或20幾,其他題目我都唔係話好識,都係盡人事努力完成「比賽」!跑到落尾...
尋晚就好happy咁有人可以陪我就快訓既時間,好開心ar!好想同佢多d電話來往,始終聽到佢把聲,我可以知多d佢既野!抵錫ar!佢尋晚陪左我都有成個鐘,咁係呢段時間,大家都係好開心咁過!
|
| 2006 年 12 月 10 日 星期日 |
教會陸運會  |
分類: 未分類 |
今日係教會陸運會,咁我就報左3000米公開組別,當然係岩哂我啦!我越野ga嘛!
本來我細佬都有比賽玩,但佢又唔記得佢自己個時間係幾時,搞到錯過左!呢d就係一個教訓,佢唔知自己幾多點,即係同棄權一樣,如果佢埋堆人係魚腩而佢唔記得左,咁抵死啦!牌都冇!
我就知道時間,當然就唔可以衰啦!我係起步之前比自己一d target!首先就係完成比賽,其次係1km/5分鐘步速,第三係頭10名!最後我真係成功左,我用左15分正完成比賽,其次我做到頭10名完成...咁比賽梗係跑得哂啦!
教會d人唔係好勁,但電兔就真係好多...我起步真係做得帶出,咁唔洗比人咁快追到嘛!其實我就覺得個徙策略唔係唔好,不過如果係10公里個時,就一d都唔好用,始終都要同人地磨一輪彊,先至衝出人群...
咁我開頭係一直帶出,咁因教會d人唔同越野,我地個d話炸走就係咁先...咁我都係用學界越野式衝出去,可惜第一個圈個時,我就比d較我大既弟兄反超前,咁佢地係勁人,我都冇辦法!只好比佢地炸走我,我呢d係攻同守都係嘛嘛地,只係攻得好少少...但防就真係唉!
我係代表我個上水堂比賽,咁我個堂有消防哥漢文,我自己,仲有一位成人家既大叔,我唔識既...
咁我跑到中途個時,我係第6名,前面個d大埔沙田既電兔,我根本冇得玩,咁漢文有個lap係想過我,咁我比佢過我啦,都知佢會快過我,點知佢去到埋尾兩個lap,佢開始累了,而且有溜後既問題,我就冇理咁多,我一直咁用1:5跑速,最後我就第10名啦!冇辦法,我都好想快d,但始終一山還有一山高,大埔家d弟兄佢真係好快!最後3個沙田包辦頭三,我就變左上水家第一...
我都估唔到我會ko一位體能超強既消防員,漢文係一個好大隻既消防,高度同我差唔多,但我居然用15分ko左佢,佢最後用左16:06先至完成...好開心!
希望學校陸運會有較好既對手啦! |
« | 430 | 431 | 432 | 433 | 434 | 435 | 436 | 437 | 438 | 439 | ... | 629 | »
|
