samuel經常性地問我d追求對象心得,唉!其實我就覺得佢根本唔明白自己問題出自何處,但不斷咁去問我野!講真我要講既可以講幾多,雖然係一個有經歷過既人,但我未經歷過1年或以上既感情,我都好想有,問題就係有冇一個真係好夾既人,可以同我一齊過每一日!
我唔知點同佢講,不過佢d問題真係多到數唔哂!
運動上,佢經常吹水,話自己平時做幾多掌上壓,以前打波幾好,但一睇佢個look,根本唔係有鍛鍊過,如果有鍛鍊既,手就一定有d料子,但係佢係咩都冇,好矛盾...如果真係運動,以佢既動形,肯定會比我更優!打籃球,佢就話以前成日打,我就坦白講好少打,但我覺得佢打波係發夢,明明我同佢係一team佢居然同我搶波...比佢激死實有少少,但我就諗佢成日打,我已經「魚腩」到不得了,但諗唔到佢仲「魚腩」過我...成日打,吹水!
性格上,佢好古怪,成日都係sor前對唔住後,真係仲好禮貌過d日本人,但人唔應該係咁,會比人感覺好怕事,謙卑係一件好事,但太謙卑係會比人一個感覺就係煩!
思想上,一個「唉」字!什麼「妙齡乳鴒」...講一次半次就冇咩野既,開下玩笑!咁咪算lor!其實妙齡乳鴒係指女,佢滿腦都係呢d野,女呢d野,有咪有,冇咪冇lor!佢就唔係既,佢好似餓狼咁,樂行有句格言:「要快就唔好急,要急就唔好快!」,有女又如何,有女唔代表一切,你要同對方快樂先至係最好!
最可恥既係,佢同我講話想用d錢,以錢約人,即係個d比幾百出黎,有女陪行街,什至有d幾千蚊「另類服務」,我個人覺得感情唔係咁,幾千幾百,話哂都係屋企人既錢,而且將d錢用係一d唔岩既地方,就算真係愛,有幾愛ar?條女愛既咪愛個幾千幾百,佢比埋「另類服務」,其實係唔會快樂!而且所謂「另類服務」,就算用左「防火牆」,但唔代表自己唔會「中毒」...男士們明白啦!
尋求快樂,唔一定要用錢!尋求戀愛,一定要改善自己!可惜佢係未達標...
遲d佢生日,佢就話約左唔少fd,咁當然又要符合佢d「乳鴒」要求!其實我就真係覺得佢d野好麻煩,單純唔係一個問題,最弊就係用係佢好鍾意吹水,令其信誠度下降...我諗緊去唔去好!
|
