| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 11 月 24 日 星期五  |
訓練  |
分類: 未分類 |
呢排d天氣一直都係少少陽光,多多清涼,其實某程度上,係一個幾好既訓練天氣,唔洗咁熱,會舒服好多!
咁今日係學校,袓領話比左湯雞跑,代左我個位,咁我就覺得冇咩所謂,因為我覺得佢真係有興趣跑,咁既然佢咁有興趣,咁比佢發揮所長,希望係一件好事!
以湯雞係一個唔係小小肥既人黎講,我覺得佢肥其實成為左個比較大既阻礙,但係肥人重心好,佢比較岩玩轉彎,當跑轉彎既時侯,佢可以利用身體重量向左傾,令其跑得更貼內彎!不過速度上可能會比較輸蝕,雖然佢都跑到,但係快唔快又另一回事,平時佢打藍球,短衝用於追波!但跑步,例如平時pe堂,我都唔係好見到佢跑,問題就出現啦!
如果總領話打算想呢隊人攞獎既,tempo跑速係完全未知,仲要毫無訓練,如果tempo跑個轉,將會係整隊5c既關鍵性人物,如果佢夠快,5c既勝算都還有機會,但第一就多數冇,因為仲有5b,5b一個潮佬已經足以打敗5c,就連袓領都可以快過!
相反tempo如果跑得慢,袓領如果係想攞獎既夢將會係零,tempo勝在骨格輕,脂肪比例係極少,人夠瘦,論身體其實係有優勝,不過佢唔同其他人,8個人之中,只有佢係冇參加過校隊訓練,咁就弊啦!
以5b成班人入面,大部份男女都係校隊成員,潮佬藍球,黃志達藍球,阿敏差唔多全能,高佬藍球,阿勇、趙子豪、忍者龜、gordon男甲排球,係咁依我抽四個男仔出黎,都已經ko哂5c!至於女仔,朱古力女甲排球,仲有多次陸運會攞獎經驗,除左佢,都仲有蘇加,廖紫欣,之後是旦再搭多羅寶兒,呢隊5b真係強lor!
袓領既計劃唔係唔可行,只不過係選材上未諗得咁全面,例如佢未了解全隊人個能力,如果袓領肯係班入面請d有能力既人士,call哂佢地全部去區場,再進行挑選,咁一黎令佢明白該人既能力去到邊,二黎一定唔會選錯人!現階段我覺勝數好低,不過「有跑未為輸」,希望呢隊人可以有機會攞獎...
至於我自己點呢?我當然就專注練長跑啦!長跑我會比佢地有優勢,我知道自己短跑得慢,我連洪仔都跑唔過,但我會係3000上面表現自己本能,我由細個開始,玩既野主要係以耐力為主,速度為次,再者係準繩、彈力...我最差係準繩,例如球類,我除左保齡最好之外,其餘既都係好屎!
至於阿誠,我呢排都係train緊佢,不過係跑姿依舊係有進步既空間,速度上都幾夠!可惜佢只能用係60至100米,但問題就係話,佢係陸運會係個人400米!
而我就3000,我最大問題就係3000入面大部份係長跑隊成員,例如鍾海寧,再加曹百堂!我攞獎機會好細...
至於4 x 100學會接力,而家仲未搵到人選...仲差一個
|
| 2006 年 11 月 23 日 星期四 |
| 得到認同 |
分類: 未分類 |
一向都係喜歡運動既我,我係鍾意跑步、行山、游水、單車、攀石,我最強係行山,其次係跑步,咁我好鍾意挑戰自己體能極限,其實係鍾意親近大自然,鍾意同大自然挑戰!
係今日,我足之可以係班中發揮自己,平時我好多時都係同班中既同學有點不和,但今次佢地反過來邀請我參加班際8 x100,我覺得佢地邀請我,唔知點解咁突然啦!不過佢地係出於好意,那我當然樂意玩啦!
其實我一向係玩耐力,而唔係玩速度,咁越野就係兩種都要啦!不過我依然都係訓練階段,進步空間仲有好多,而最近記錄係今日,3個L 19:20,暫時係成績最好既一次!
咁今日袓領係就快放學個時,佢問我有冇興趣加入5c既8 x100學會接力,我頓時覺得好驚訝,我平時同祖領唔係好熟,基本上係好少有對話,咁我回應佢:「下?我唔知掂唔掂wo!」祖領就話:「得ga啦!你夠玩啦!」咁我之後沉默左陣,之後我就覺得不如試試啦!我再走到祖領面前,之後我就報左名,我就諗5c平時對我既態度都係嘛嘛,咁我既然比袓領邀請,冇理由冷淡對待人地...
就咁樣,我就accept左!5c個陣形都幾有「校隊大聯盟」,例如祖領係男甲足球隊,小善同蛋怡係女甲籃球隊,jack係樂行加自己打籃球娛樂,我係樂行SF加越野男甲,美兒係越野甲組,之後仲要搭埋tempo,不過tempo就真係唔知強在何處!
希望自己可以為班努力一下,同時亦係自己既比賽上有d努力,更可以做得更好
如無意外,我第一個比賽將會係12月10日既教會3000米,之後係學校陸運會上既3000,班8x100接力,加埋學會4x100,再後d既渣打馬拉松10公里...
希望我可以有d好成績啦!同時亦別令自己懶散... |
« | 439 | 440 | 441 | 442 | 443 | 444 | 445 | 446 | 447 | 448 | ... | 629 | »
|
