尋日係一個幾開心既環境去玩,因為我本來要補課會計,但尋日變左唔洗補,係幾開心既!
咁我就選擇係樂行學玩定向,咁大部份會員都有係出席而且係認真,不過有部份仲係好似冇心機學...唉!行山唔同定向呢!定向真係要花d時間去理解,所以真係要比d心機...
上午理論,下午實踐,我地係青衣既毛青衣自然徑玩,其實青衣真係冇咩山玩,所以都覺得青衣居民既主場玉桂山細得可憐而覺得同情,但佢地有強項而我地冇既,就係我地新界比較少定向比賽,真係除左大棠同元朗髻山,上水及大埔地區都係冇!所以我強項主要係行山為主,其次係速度性既跑山,即係好似外展玩既小型鐵人賽,或者山路鐵人賽,呢d都係我比較好既活動!
咁開頭都係睇路線...如果叫我純粹查出自己位置何在,其實係難唔到我,不過如果係玩定向反而難到我,我玩過麥理浩夫人渡假村同保良局北潭涌渡假營既定向,以我記憶,定向好多時都係玩唔成,因為設備不全,而且一個渡假營太大,佢地個d定向唔係用「燈籠」,用一張卡仔,約係好似蘋果日報既頭版大logo,唉!咁細點搵呢?
係比賽定向上,我既成績都係略為慢,其實係因為搵point慢,我跑得快,但係我係邏輯上有出錯,例如係point 7,原來係一間墓之間,我就留意得唔好,一直都見唔到...第10個point我就覺得係幾離譜,因為個燈籠set得好低,好難睇到,好似人地個d冇咩良心既行山人士,將一d行山垃圾棄係一d草堆上!我行山來回幾次都睇唔到,唉!玩死...
定向有時我就覺得係幾屈機,set d point有時唔係咁易睇到,係要有「拼一拼」既精神,我喜歡拼,但唔喜歡比人屈機,我唔知點形容定向,但如果定向會d教練係set d point好d,例如point10,咁就令其比賽會更加好...
我地樂行d人有好多都冇遵守比賽規則,我就係其中一個認真玩既人,乖乖地順次序,不過有人係快過我,但係唔順序,唉!明明人地係玩越野式,要順序玩,佢地就cheating ,如果真係要將個比賽規則嚴厲化,我相信有好多人已經DNR ,即係取消資格!我係用左30分鐘,而我細佬係22分鐘,嚴格來說係DNR,因為佢自己都自認係搵左8再搵7,呢d cheating既行為,真係唔好學...
另外都有好多人cheating,講真係幾令我覺得係離譜,慢唔係問題,我覺得誠實係更重要,尊重比賽!更有人係亂咁putch,例如係阿婷,wai個d,唉!ending包尾之餘,仲要玩到唔清唔楚,亂putch!
更有人「x」,我都唔知點解可以「x」,搞到自己DNR,好似滔滔同輝輝咁...咁幸好我唔係好似佢地咁!
其實樂行有人cheating,快又點,當你玩拍卡既時候,人地就睇得一清二楚,d次序亂左就係亂左,打putch係睇唔到,但拍卡係清楚地睇到自己係DNR!你能呃定向,但良心係呃唔到...
我覺得定向好玩,但唔係太岩我個類型,如果玩毅行者、山藝會比較岩我d!我會較先考慮學山藝,繼而長跑加鐵人賽,第三係定向,什至係學職業性少少既生態導遊!至於比賽類別,我會首先諗越野長跑(現役中),馬拉松(今年報左渣打),鐵人賽(我玩過一次),第三係定向,什至世界性d既amazing race,lost,7+2創舉(即香港行山高手鍾建民既7大洲加2極)
定向,真係要多d玩至會快!定向教識我一樣,做人要誠實! |
