| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 11 月 12 日 星期日  |
或者要尋找一個突破  |
分類: 未分類 |
從來我係球類活動都係麻麻,我鍾意踢波,但係唔勁,我亦喜歡排球,同樣地都係得個打字...我諗比較好既應該係保齡
今日同suki加埋誠晉哥打網球,我係極少接觸既,再加上我係腳既運動比手既運動,當然我打得非常「強差人意」啦!
唔知點解呢排經常係玩一d或者做一d平時自己好少接觸既運動,例如平時唔跑既我,居然走左去玩長跑,平時唔打波既我,居然今日走左去打網球,吹脹...
突破下自己都好既,總好過原地踏步,正如師父,佢同樣地係一個平時唔多跑既人,居然選擇左係學校同佢既「雙豬班」跑校圈,可能想同佢個班個氣氛更好!都好既,總好過我個班d垃圾,一味玩小圈子,玩黎做咩呢?托...
突破自己其實要花d勇氣,香港好多青年成日覺得自己唔得,其實唔係唔得,而係自己冇去「行多一步」,經常處於一個「隔岸觀火」既態度,睇住人地去做,而自己原地踏步,我也曾經係呢一類人,覺得自己讀書唔得,事實上我係讀極都係咁,根本溫左都會係唔合格個類,我唔係懷疑自己d智慧(其實我學野係比一般人慢成倍),不過點都好我近排都打破隔閡,努力地學習,例如我總來都唔合格既數學...
或者我努力過後,數學都係依舊肥佬,但我總會覺得自己已經突破了...
|
| 2006 年 11 月 11 日 星期六 |
| 臭軒打灣岸 |
分類: 未分類 |
今日好happy加辛苦地去左訓練長跑,真係攞命到飛起,係咁叫我地跑,可以以一個hell day黎形容,咁我今日以25:17完成4L,當然係一個好消息啦!我第一次跑4L,係34:08,而家係比第一次記錄快左9分鐘,9分鐘係一個幾驚喜既good news!
訓練完,其實亦代表訓練已入到最後階段,今日係訓練得最辛苦,唔知第時會唔會更加辛苦,但我只知道學界比賽好近!
學界比賽係11月22日,之前個日係我生日,哈!生日仲要搞d咁既野,high上腦lo!
我跑完,臭軒就打完佢既排球,兩個人都已經累得很,放左學之後,我地去左上水吉野家食左個lunch!係早前我地係計劃去打灣岸,為左滿足同比佢感受下,我地就去左323打,係第一次臭軒已經玩得唔錯,佢d skill係唔錯,例如撞既次數都唔多,又知道幾時入波,不過踏油門就仲未知幾時放油,搞到一轉彎就撞得好傷...新人,係咁上下ga啦!
咁我之後用左ga新車siliva vs佢架evo8,咁evo8出名係易攻難防,的確係應驗左!我同佢玩22.8,咁係入隧道個d大直路位,嘩!佢居然大膽地同我玩「磨薑」,我諗佢欠炒了,咁我就好「優待」佢,請佢食下d大貨車,唔洗一陣,我就聽到boom一聲,哈!
其實臭軒同steven兩個d打機既skill係唔錯,steven就幾有計謀,掌握時機感好準,可能係同佢平時玩開wargame加一d戰爭game多既關係啦!不過steven最大問題係手腳協調,例如佢關顧唔到棍同胎加油門既,入彎節奏感比較慢,好多時都會搞到架車係咁大撞,最大問題係唔留意路面清況,明明前路有架車,佢都唔知點解炒埋去...
臭軒就一向車game都幾好,不過同灣岸個feeling仲係好新鮮,未知個轉彎既幅度扭胎扭幾多,呢個唔緊要玩得多就知,仲有就犯左一個好大既通病,就係一味掛住揸,唔識放油同比break,咁就會令架車一味衝,唔識收油過彎!
佢地玩得唔錯ga啦!因為市面上有好多「魚腩王」! |
« | 445 | 446 | 447 | 448 | 449 | 450 | 451 | 452 | 453 | 454 | ... | 629 | »
|
