尋日去到火炭,本來諗住做身份證,原來係要輪籌,同去賽馬會睇醫生冇分別,咁好無奈地尋日係白走了一趟,只好變成今日再努力!

我今日早d起身,為左早d輪籌,因為新界地區入面,上水只做換證唔做18歲成人證,全部都係集中哂係火炭,令其人數多到七彩...我0905到左,第一時間就係去登記排左籌先啦!

係填表個時,我就諗起小學個時d 英文fill in the blanks...咁係填個時,我就填得好小心啦!因為填錯左好麻煩!

之後就要做影相,又要按手指,其實我覺得幾煩,冬天凍,打字紋難度高左,我都要左手打兩次先至得...

搞掂左身份證,本來諗住返回學校繼續練習越野,但我1130返到去個時,嘩!連排球個d都走埋,我返到去見到一位男排既肥仔,我問佢:「走哂啦?」佢就話:「你見到既就係得返三個,但唔係越野的!」

無奈而來,無奈而走,只好明天自己到區場努力lor!

今日朝早既天氣,簡直係唔敢相信,原來係18度!其實,係呢個時候,有好多較小既小朋友同老人家係呢個時侯最易病,好多時都見到個d賽馬會診所,多數係比個d公公婆婆坐到滿哂!而且仲有d係身子弱既人,唉!我都擔心她會唔會因為呢d反覆既天氣而病倒,不過我相信佢會好醒目既!

做運動係呢d天氣係幾舒服既,由其係跑步同行山,如果而家呢d天氣上山,真係比風吹到奶娘也認不得!其實我都有計劃過係聖誕去行麥徑全段100公里...

點都好!呢d天氣最易病壞人,我都曾經係呢D時間病到係發燒加傷風加咳加嘔吐,果種經歷係非常慘痛,當我食藥個時,我係食唔到,一食就嘔!仲慘過阿媽十月懷胎,根本一食就嘔,係連d藥都係毫無吸收,根本醫唔到!所以我個時選擇左用行山,有人會覺得病時行山好危險,呢層我都明白,但係我係出現左一個好消息,就係行完山之後,我一d藥都唔洗食就好返哂!