今日好早就起左身,為左同自己拉根作比賽最好的準備!我唔知點講好啦!今朝我飲左一枝半既葡萄適,食左個包,之後就咩住個karrimor就返學啦!點解我咩住個行山袋返學?因為我要清locker,唉!考試將近,我對考試毫無信心...
咁坐車個時,我同阿頌坐,阿頌今日個頭好得意,好似d炒米粉咁!
到左大棠,見到好多唔同既學校,有d人真係好高,有d人就好大隻,就好似d消防員咁...我都覺得自己好細粒,不過細粒唔係問題,就好似阿烈咁,細細粒都係一隻好電兔...
係起跑個時,隔離好多學校d人都係好勁,內心不自然地都會有少少驚.不過都唔理得咁多,因為企得係比賽場上,已經係生米煮成熟飯事實!聽到鳴笛一響,真是教人心驚,始終男甲對手很強,佢地既能力同訓練都比我地好!
咁我第一個見到既就係阿杰,咁我見到自己人當然追住佢尾,因為阿杰佢夠快,就以間接令我肯去追,去到轉彎...我諗住食內彎,點知d人係我更內彎攻出去,佢地係踏上石級而跑,真係超乎我所想像!快人就大把,慢人就真係唔多,我同其他隊友都係不斷咁進攻,其實都可以話係比其他勁校打到個陣形都冇哂!4E個兩個男甲孖寶,佢地比較幸運,攻得出,同GTR冇分別,防守皆掂!阿鵬就唔錯,不過就易攻難守,同evo8一樣,係攻得好爽快,但d人後追得好緊要...阿杰就一貫水準啦!佢就因為越野d老將,根本見慣大場面,同fairlady z一樣咁有氣勢,我同阿頌都係叫可以啦!我地都係經常補位過人,我仲拍佢叫佢跑!阿頌似chaser,鍾意留前鬥後,鬥扯!我係似silvia,淡出淡過淡追,速度雖不夠快,當然silvia係有以想不到既後追同短爆啦...至於雲培今日係以失色形容,佢聲稱大脾拉傷左,可以話以「頭文字D夏樹AE85形容」,七勞八傷...
起步錯失機會,當然要由大路落斜,借地深吸力更上個人跑步令自己跑得快d,務求係個名次上可以更加好,有斜路等於有得用氮氣,不過遇強愈強,個d高佬好識借斜路狂轟,咁腳長總比腳短好,我咁細粒的確係有d慘,輸係個「硬件」上!
係我去完c point返b個point個段,我好努力地大戰長命傘,我個時挺累,而且起步使用速率我唔習慣,話哂對手強,d電兔又多!搞到我係速度性既體能未能如常支持,導致上長命斜我要同對手係鬥行,我唔係唔想跑,而係負荷唔到!我選擇左樂行式既摩打腳大步行上,哈!咁又比我過左7個,之後就一路都係下坡,咁當然要爭取返d時間!
去到b point,阿展見到我,咁佢就未有咩表情,咁我都懶理,因為自己知道自己跑得慢,我見到有一個大埔既對手一直咬住我尾,我知道佢成日都想爬頭,如果佢同我同隊,我或者會考慮叫佢跑快d取名次,但係佢係對手,咁點都要同佢同呢位哥仔拼命,佢想攻個時,咁我點可以用let him go既態度對佢呢?食住個d過彎位,佢真係唔敢過,我唔知佢唔驚彊,還是怕我炸佢放電兔,最後我聽到佢既步履係愈來愈密,即代表佢既進攻力愈大,咁我當然就唔可以就咁放慢打死火燈,之後我以全速跑,離終點約400米,我大力一去,再則埋食內彎!對手係完全冇動力同我炸,到最後50米終點,我用既上升力強項再大爆...115/176呢個position就係咁拼死地跑了回來!打敗對手係61個!
我地最尾既係雲培,佢係123名,總算挨返黎!頌一向都我快d,佢就103,杰哥就64...阿鵬係86
有人就對自己既表現不滿,搞到喊到fe fe聲,其實我就覺得人唔應該咁執著,付出努力,真係對得住自己良心,我就覺得今日自己比左既力係好夠,比平時練習快好多,雖然係個position攞得唔係咁好,本來諗住10幾都搞得掂,點知115先到,以10分總,我會比自己8分啦!練習唔夠,加上自己係長命斜行既level,而且自己有點驚,進步空間仲好多!
咁我地男甲最後係一冇所有,冇個人,冇team獎...有點可惜,仲諗有d牌揸下手,事實上我係運動係除外展有布章之外,我就冇其他得獎啦!今次我都係勝了,因我得到進步同名次同一個經驗! |
