| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 11 月 2 日 星期四  |
5個L 33分16秒  |
分類: 未分類 |
今日補完課就走左去練長跑,咁我就見唔到ivy,我都唔理得咁多,始終要練習,邊練邊等...
開頭跑左5個校圈,好野!又加5個,即223個圈!不過我都唔夠d「長跑孖寶」勁,佢地已經去到4xx,crazy的!
咁王子哥今日叫我地d男仔甲乙組跑5個L,5個L原來等於大約5公里,我跑到10公里,5公里唔難既,咁今日計時就得出結果,原來我用左33分16秒完成,比起之前4個L進步左!
其實都要多謝今日既天氣,今日天氣幾清涼,令個人冇咁熱,不過就好乾燥,呼吸時搞到好口乾,但我冇理由中途飲水ga?練wo!如果我咁都要飲水,馬拉松個時咪渴死?唔得...一定要頂!
ivy原來今日比某某老師留低,搞到練唔到,唉!仲諗住同佢跑tim...
係我今日跑個時,有d幾無聊既女同學係到冇啦啦大叫:「阿霞...」我都覺得幾無奈,不過跑緊又點理得咁多呢?下次不如響我朵仲好啦!
|
| 2006 年 11 月 1 日 星期三 |
班會活動  |
分類: 未分類 |
呢排我知道5c班會活動搞呢個大食會,我對5c好感不多,所以我冇選擇去,而且我零願同fd去行夜山,都唔想對住5c,始終5c d人(除左d repeater外),我覺得我同佢地夾唔埋,論興趣、話題,都同我唔match,我去到難道是齋食嗎?
如果搞班會活動,不如大家圍內夾幾廿蚊出去bbq,夜晚bbq更佳!不過我個班d人對昆蟲係嚴重驚慌,一隻螳螂可以尖叫左10分鐘,咁如果佢地突然要搬一d類似村屋或丁屋鄉郊地區,未住先嚇死...玩wildcamp,分分鐘要抬條屍落山就差唔多,不過比著係5c,我求其挖個坑埋左咁就算lor!
我做班會康樂,當然如果要搞活動,我就唔會係學校搞,學校限制多多,做咩都好似唔比咁,咁玩都玩得冇咁爽啦!出去玩下,其實一齊踩單車都係一個幾好玩既idea,不過班入面d怕呢樣怕果樣,唉!
第一類有10幾個係讀書型,第二類佔大多數係讀書平平,但又鍾意玩下野,第三類就係放棄態度,只係訓同玩!我就係第二類同第三類之間,班入面玩得運動既人唔多,運動上,比我玩得更變態既基本上係冇,大多數都係行街、玩msn、買靚衫研究名牌既居多!
相反,我係行山,玩msn加打灣岸,msn都可以話係中既,打灣岸只係一少堆男仔鍾意既玩意...所以你話我要入流既,未必係一件易事,再加上班中d惡死野又係到成日搞gag,咁我更加冇興趣理佢地!
班會搞大食會,不如出去酒樓齊齊打邊爐,叫一盤盤個d再加埋d自製,睇落好似好正咁,但諗深一層,不如出去食?
個次同舊3c打邊爐玩得幾happy!笑死我...我覺得橙b搞活動真係有一手,由提出、招攬、收錢,直到玩個時,佢都係搞得好順利...好叻! |
« | 450 | 451 | 452 | 453 | 454 | 455 | 456 | 457 | 458 | 459 | ... | 629 | »
|
