今日係樂行之友第一次活動,咁亦係我第一次係樂行跑上山,第一次跑山既感覺係唔錯啦!不過我就唔識跑髮夾彎,入內彎個下就比較辛苦...
咁我細佬誠晉哥、鋒、楊sir都成為左今次活動既拍攝小隊,而我就自行跑山,冇計啦!要兩全其美,咁我冇理由要長跑既係到白白跑,而我一個咁例外,我將行山變成跑山,當然咁樣辛苦好多,一來長跑唔洗咩住一set gear係背,二來長跑係跑石屎地,而我係跑原始山路,今日大家可能只係跑5公里,但如果論難度,相信我個隻難好多...
我今日就咩住4磅,當然係比較輕啦!因為平時係15至18磅,諗深一層,平時用重力訓練真係唔夠,跑過就feel到咩一回事...樂行就去石板潭玩水,而我就一路跑馬路上去尢德亭,咁我既跑法係由橋仔起步,去到(上升)一個指示板,我再回頭,再落山去到漁護署管制站,之後再上升再回去指示板,再加埋上尢德亭!
呢段咁既路係又上又落,而且有d地方係重覆,重覆位仲要係波浪多,又多髮夾彎,當然就feel到有點吃力,但完全冇打消我既意志,我一路跑,汗一直流,其實我覺得南涌比大棠更焗,因為南涌個d係完全冇風入,事實上我係幾怕南涌,因為又焗又多蚊,大棠係焗,但一定冇南涌咁焗...
我用左15分鐘係馬路上來回,上斜對於我黎講唔難,但難處就係南涌係暴曬位,加上焗,事實上我都驚自己跑到會中暑,幸好冇呢回事...
係我到左尢德亭,樂行既部隊仲未到,我自己就自得其樂啦!係等個時,見到一對老夫婦、一家三口、仲有三個廿幾歲既兄台,我幾鍾意個一家三口,小朋友好得意,一味就飲柑吉檸檬飲品,我就諗小朋友咁搞法,飲到成肚水會落山時唔舒服,咁我其後就同佢地影左幅全家幅,最好笑就係個太太問我點解一點累意,同氣都唔氣喘?...我就話:訓練嘛!個太太就o哂嘴,可見今時今日既港人好少練習同運動...
最搞笑就係見到三個兄台,佢黎到居然唔知自己身處尢德亭,咁我就冷冷地帶出一句:呢到咪尢德亭lor!佢地就咁樣比我一句點醒左,可見佢地d 地圖閱讀真係嘛嘛,唉!多d練習啦!
係40分鐘呢段時間,我就見到香港既行山趣事,有快樂既老夫婦、喜樂既家庭,仲有個3隻傻蛋...哈!之後我就見到樂行部隊,咁d中二除左誠晉哥之外,有好多都帶唔夠水,唔夠野食,仲要問我有冇野食,咁我就有d糖、朱古力同埋有個飽,本來我都唔打算d 野食會有即時用途,但見佢地咁可憐餓鬼既樣,咁我就分哂d野食比佢地!
係尢德亭落山去鹿頸個下,係最爽既事,咁個到大約200幾米高,以10分鐘之內既時間跑落黎,只見一路既碎石多到不得了,因為個邊係原始山路,我一路跑,d沙就一面向上飛起,好似wrc入面d車咁!其實我係估唔到自己跑得咁快,可能對columbia同沙石地先至係最match!
最後,我地係鹿徑一間士多食豆腐花,我仲叫左碟乾炒牛河,正!
|
