| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 10 月 15 日 星期日  |
| 3C又在一起 |
分類: 未分類 |
尋日賴sir,miss何,橙,華華,雄,家榮仔,發仔加埋我,夜晚大家一齊去沙田食dinner,我地係瀝源邨既某某酒家去食打邊爐,如果以3c名義作一個晚飯活動,可以係話第一次,lunch就試過啦!
我係去沙田之前,就同誠晉哥一齊買下野,咁就買左隻nod32既防毒software,我知道屋企部腦冇防火牆,萬一比人攻左入黎,咁就死火啦!
之後冇意中見到係blue star見到一件shirt,89蚊又幾抵!粉紅色直間條,我想突破下自己!
咁我同誠晉哥bye左次後,我就係沙田城門河個邊果個劇場仔睇人地跳舞,雖然我對跳舞認識唔多,但係覺得佢地跳得好好睇!平時我阿媽好鍾意去祥華邨同一大班師奶切磋舞藝,當然兩者既風格都大有不同啦!
咁我睇完跳舞,煙又抽過之後,我就去左機鋪打機,咁沙田d人就真係唔勁,唔係好似上水咁咁有火喉!咁我簡單地就得到幾粒星,又黃火!
6:30,就約左阿橙係沙田優之良品等,雖然佢地有少少遲,不過唔緊要啦!反正大家咁熟,而且又咁老友,咁當然唔介意啦!係搵個間酒樓個時,阿橙就拍哂心口咁以為自己識行,唉!扮醒,真係比佢氣死!不過我自己都唔識,咁又唔怪得佢咁多!
幾經辛苦,我地足之係一條橋仔見到賴sir接我地,我地當然非常開心啦!咁見到一位好耐冇見既老師miss何,更加係心情難以形容啦!咁大家都有講有笑,好開心啦!而且大家又互爆下當年d既搞笑野,短短相處2,3小時,已經互吐出大家懷念既一面,懷念當時既3c!
人雖少,話卻多,反而咁樣人少少,就會令一班人可以狂笑,相信有唔少口水落笑哂去個爐到!
我同阿橙同華華,都有住一個同感,就係有時人少少,就會有好多笑野係大家冇意間笑左出黎,不過都要睇係對住邊個,如果成班都係cool到死既,咁就形成好多dead air!kissy同小丘本來話黎,但最後冇黎,我唔知佢地係有心定冇心啦!不過我就覺得佢地如黎左,咁就會令大家個氣氛唔似尋日咁,可以笑到個下巴痛!
miss何食到咁上下,佢就話要走啦!咁當然佢先生接佢走啦!不過我其實都未有正面見到佢老公,只係依稀係相片見到,但個樣已經唔記得啦!
最後大家快樂咁散去,咁好唔好彩就今日只係得6個學生vs兩個老師,因為其餘好多都要投身工作又或者有佢地各自各既節目,唉!30幾人齊整地出席,的確係一件幾困難既事!
返到上水,咁我就同華華加阿橙一齊去左食糖水,咁我係龍豐停車場見到不少靚車,例如supra,d 引擎聲真係靚到不得了!咁食糖水個時,3個人一齊講下大家既感情事,我就只係做一個聆聽者,因為我唔想講自己個d,咁我同青蛙都要有返少少私隱既,事實上我都想尋晚叫佢落黎食野,不過夜晚又怕有危險,始終上水有好多黑幫,什至個d「粉強」,即吸毒佬!
|
| 2006 年 10 月 13 日 星期五 |
| 音樂,掂爆! |
分類: 未分類 |
咁今日係我既大日子,因為我今日要係音樂堂個時做呢個音樂唱歌考試,咁我就依舊都係唱返westlife既you raise me up!
咁我當然緊張啦!因為我係全班之中,得我一個唱英文歌,仲要係第一個會solo,都咪話冇壓力!企出黎係一個勇氣,唱出黎係一份挑戰!
咁我今日企位係置中,即個screen位斜少少近大門,簡單d黎講,即係好中間啦!我個班d人係比較細膽細,所以好多時都會躲係某某角落!唉!為咩呢,唱咪唱lo,冇問題既呢!
咁今日第一team係小寶加小藍,唉!我聽唔到佢地唱咩,其實係因為佢地唱d係快歌,佢地揀左twins既「你講你愛我」,不過我幾欣賞佢地有勇氣去挑戰咁快既歌,其實係要好有功夫先做得出,講真係好難,我為免其難,而且唱快歌不是自己強項,避免獻醜!
今日我覺得係good show,因為我覺得自己未有任何慢幾拍,走音,唱字失準既問題!不過有少少美中不足既問題,就係高潮位高音去唔到,咁我都知自己事,如果我谷上去,我肯定走音!不過唔緊要啦,我覺得我已經盡哂力,亦無後悔今日既表現!
咁首先要多謝阿釗比左好多skill我知點做,其次係領教過jack既技巧,再多謝miss yu既推動同支持,令我有勇氣去唱you raise me up,本來我只係唱edison既「你快樂嗎?」,但今天,I got it! |
« | 459 | 460 | 461 | 462 | 463 | 464 | 465 | 466 | 467 | 468 | ... | 629 | »
|
