| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 10 月 2 日 星期一  |
| 與排球隊同樂 |
分類: 未分類 |
今日join左臭軒佢地男女甲乙組排球隊搞既行山,我同誠晉哥就一齊join左,一黎就幫下臭軒手,因為排球隊既人當中有人係未行過山,咁如果有多個人幫手,總係好過一個人面對,二來增加安全性,有多個人睇住d新手,始終都好過一個人面對,因為係一定睇唔哂d人,肯定有人就會快到衝住去打靶,有人慢到耕田咁...
係今朝,我同誠晉可能尋晚真係太累啦,我更係2點先起訓,所以遲左起身!直至今朝臭軒打比我,我先識得起身,真係唔好意思!
今次行山都有10個,當中強弱有異,有人就係快到衝去打靶,有人慢到耕田咁!不過整體算唔錯,可能同平時既訓練有關啦!不過當然唔及樂行d人既水準啦,但佢地比樂行好既,就係好teamwork,好關心佢地既隊友,呢樣野我係樂行4年都唔係做得好,真係要反醒下!
係出發個時,帶頭既人真係好快,不過比較慢既人,佢地就真係慘d!成日都花好多氣力先至追得上,咁我同誠晉哥呢d支援部隊加前鋒都要做埋包尾殿後幫d弱者,誠晉就話:「我今次係第一次做殿後,原來係咁舒服ga?」我就話:「你一向行得快,咁好正常體會唔到殿後既工作。」做殿後,好可能會面對弱者有頭暈,唔舒服既問題!萬一佢暈左,咁就大鑊啦!好可能要抬佢走,幸好我未試過遇到呢個情況!
排球隊既體能,有時都幾強差人意,一時就開哂turbo,搞到我要由最後跑到最頭叫人等埋d慢人,跑山唔係一個簡單既工作,比跑步係辛苦十倍!一時就慢到得返d樂行group埋一齊行,例如試過幾分鐘係我同誠晉哥加臭軒係一group,幸好我地既速度不是用最快,否則佢地一定後追不成!
路線簡單,係由嶺仔村出發,上龜頭嶺,老龍田,南涌,咁係嶺仔村個邊出發,真係好焗,可能係四面環山,缺乏任何海風或一些氣流流動,令上山時,我同誠晉哥成身都比汗整濕哂!
之後去到老龍田,係一條山澗嬉下水,無意中發現河中有小動物,原來係一條榮螈,比誠晉哥一野用行山杖攔住,我一捉,榮螈基本上唔會攻擊,因為佢地食齋既,咁我放隻野係隻手同隻野玩既時候,女排既同學就大叫,尖叫!唉!榮螈咁得意,你就喊驚,好正佢地冇行馬鞍山個次(那次有條大蜈蚣),否則佢地嚇死了!
同榮螈仔玩完,我就放返佢落水,雖然有d唔捨得,但係如果帶佢返屋企養,佢就一定死硬,因為我屋企d魚好惡死!我只想榮螈仔未落水,已經成為左魚既晚餐!
之後我地繼續完成餘下既路程,有人辛苦,有人行得好快!
最後全部人都好安全而開心之下完成臭軒所設計既行程,仲去左鹿頸bb食左個豆腐花!
臭軒搞得幾好,如果以10分為滿分,我會比佢8分,點解唔比多兩分呢?其實我就覺得佢group到d fd,d fd就成日開turbo,另外呢佢選地唔係太好,因為南涌個邊比較焗,樓梯多,一般初學者就會覺得辛苦,同埋咁焗,動力較少,我跑加行上去都好辛苦!不過如果係為左試路既,咁當然好啦!
|
| 2006 年 10 月 1 日 星期日 |
| 國慶 |
分類: 未分類 |
國慶,中國又大一歲!同時反映中國又進步左,可惜軍事上一架航母都未冇,似乎係幾失敗!
我回想起衣櫃中有一件gordano國慶紅色t-shirt,好耐冇著過,定日著下先!
今日其實都係臭軒二號既生日(我咪一號lo),生日快樂ar! |
« | 464 | 465 | 466 | 467 | 468 | 469 | 470 | 471 | 472 | 473 | ... | 629 | »
|
