今日,我同誠晉哥同阿媽一齊返我阿麻屋企,諗住好耐冇探下阿麻,所以就返去...但估唔到因為返去而導致我老豆同我阿媽一齊係阿麻屋企炒大鑊,仲導致一個更惡劣既環境開始,我都唔知點收科,可能我阿媽同阿爸就咁樣會會分開...可能離婚對佢地黎講可能係一件好事,但係一個家就咁樣完蛋,真係好慘,或者我係18歲之後就要面對單親家庭既局面,不過我零可冇我呢個老豆,都唔想我阿媽因為佢而傷心,我覺得我阿媽已經係哭夠了,無謂為一條廢柴而傷心咁多...

我老豆係一個火爆既人,識我既人都知道,佢可以因為一d小事而唔高興,更加係借題發揮!之後向我地三母子發洩,擲物、有粗口問侯我地、當街打我...我都唔想講,因為太可怕啦!我經常性受到佢既精神爆炸,講真我真係有少少抑鬱症既症狀,我唔知我仲有幾多精神可以集中,但係我背後仲有幾多能力去支持住自己,我相信我可以挺住,仲可以挺埋我屋企人...

講返今日既大件事,我地今日三個一齊返我阿麻屋企,本來諗住相安無事,點知今日係返到阿麻屋企個時,我阿媽見到老豆,我冇叫我老豆,更加係唔理佢,因為我都好憎佢!我阿媽因為之前同佢一直係冷戰大戰都試過,咁今日見到佢,世界大戰即將爆發!咁我阿媽本來叫我地兩兄弟走,但我覺得我係返到黎阿麻屋企,點都係要坐一坐,冇謂做一個party pooper,話哂今日係想開開心心咁係一家人食飯!

咁我阿媽就想打算攞袋閃,當然係因為嬲到眼火爆啦!之後我姑媽就拉住我阿媽,我阿媽發哂火,連平時唔多爆粗既佢,今日都一怒之下爆炸哂出黎!之後就係屋企入面,同我老豆開火,勁罵佢!咁我姑媽同tommy叔就拉住佢地,之後我同誠晉哥就出左去,事實上我地係入面真係做靶,因為我老豆會掟野,tommy叔為左避免我地做靶,特意去叫我地行開下...

我地係門口出面,一路都聽到d爭吵聲,唉!人地話家醜不出外傳,不過我老豆今日係佢自己攞黎,我都唔介意係到講,佢係比我阿媽發現佢同某某人有「路」,仲要比媽發現佢有d犯罪證據,例如電話記錄、什至嚴重地搵到condom,咁如果呢d仲唔係犯罪事件,咁我cut個頭比你攞去打波都似,我覺得呢d簡直係冇法原諒既事,我最睇唔起「偷食」既行為!

之後一直都係大戰中,我地只可以做既就係等同唔開心,我一直都用電話打sms比隻傻豬,不過佢一直都冇回,打電話佢都冇回,完全唔知佢做咩事...希望冇事啦!

係十幾分鐘之後,罵戰結束...雙方不歡而散,男方被tommy叔大伯一班長輩夾走,化咁d火,不過我覺得係冇補於事,因為佢既為人一直都咁硬,冇人會動搖到佢,而我阿媽一直又嬲又喊!

之後,我阿媽更係嬲爆,之後同我地一齊走左,冇係麻麻屋企食dinner,唉!真係唔好意思!

我覺得我老豆係冇罪可恕,係我心目中佢基本上係甲級戰犯,係要拉去打靶!

我同誠晉哥一向對於其他人既眼光下既行山裝備都係齊到d人都唔信,但如果你係熟識我地,而你又跟過我地行山,相信你會清楚知道我地尚欠一樣幾重要既山上煮食功具,就係cookset煲!我地以往一向都係用一對子母兜就咁放係個爐上面煮,呢個方法唔係唔好,而係

我覺得呢個方法令煮食時間很長,所以我地就選擇左買左個煲

咁我地今日1點正出去,我地出去食野,咁就係一間好迫既餐廳食左個碟頭飯,好簡單的一個lunch但坐既時候並不是十分舒適,二來隔離台既大叔係到係咁食埋d大陸煙,雖則我都係一位煙民,但係對於d大陸煙都係難以接受,我都唔明點解d大陸煙係咁臭,燒出黎d味...難頂!唔似d港旗咁,d味香好多!

之後我地搭車去左攞身份證,要去火炭銀禧花園,當去到火炭個時,唉!d人一樣都係好多,都唔明點解唔係上水搞返個可以做證既中心!我係攞到證果一刻,覺得自己好輕鬆,因為我唔洗再對住張紙!唉!你知我呢d經常出入機鋪...實係覺得一張卡好過一張紙...
之後出左去旺角,我地首先去左攀山睇下,不過佢個度好貴,245蚊先至1set而且d項目唔係我地想要,更加你有易潔面,我地更加唔想要,因為有易潔面,係山上面你唔同係屋企有咁多地方洗野,好麻煩!花左就仲大鑊,食死人呢!

之後我地去左海洋,海洋個邊有ca同nikko,咁當然都係ca好d啦!估唔到海洋呢間野鋪仔細細,但係有多貓係入面!好似開貓園咁!

我地再格下價(好師奶tim!) 我地行行下又見到一間新既運動鋪,咁呢間仲狼死過攀山,250幾蚊一個6合1,叫佢唔好去死?攀山既鍾建民既易潔7合1先至係$245,你間野居然同佢鬥大價錢,挫dee咩?鬥大?

之後再去埋惠峰,惠峰d老檔始終都係老檔,買d野都係10年如1日,價錢都係唔多點變!雖然佢show d野係幾好,又有ca,仲有其他牌子,例如TP,睇落真係唔錯既,不過太多啦!根本用唔哂!

最後我地好happy咁行到過去海洋,買我地既心頭好,咁係果到,我地就一眼睇中ca 4合1個隻,150蚊!就兩煲,一pan,一個小摺碗!都算係唔錯啦!本來我都以為呢d多數都要200蚊,150蚊都搞掂左!

我之後行左陣廣華,廣華槍街都係一樣係咁...

最後黎返一個happy ending在金雞,金雞今日就都有d魚腩同勁人夾雜,d gtr32就一向都唔錯,有人同我一樣係8代,原來8代加埋d gtr32真係好好玩,令其刺激感好強!今日仲要整到我黃火(即係玩得好),呢d全賴佢默默既支持啦!多謝ar!

曾幾何時,我的行山技術係一個盲頭小飛蠅,成日都鍾意做前鋒,但做得前鋒多,就會覺得悶,反而會覺得中間會好玩d,而且裝備一次比一次多,令我覺得前鋒同裝備既重量已經唔可以共存了,變成一個「魚與熊掌」既情況,但其後我就不斷咁練,我就體能不斷上升,練成一身肌肉,隻腳一次比一次粗,就好似仙人掌咁!現今既我已經係可以前後都得,有速度,可前可後!耐力亦都增加左不少呢!希望誠晉可以早d到達我呢個境界!