向來我好多時都係比呢隻黃老吉教中文,佢教中文唔係唔好,而係我幾怕佢教我,嚴緊既黃老吉,最需要既就係「識時務者為俊傑」,聽得佢明咩意思既,咪引路明燈囉!聽唔明既,就真係比佢點到你紅綠燈,飄忽不定既性格,再加上佢殘酷對待學生既行為,呢d都已經見慣哂!不過我地最怕既係冇帶書返去備課,最慘既就係我地比佢問中問題係要抄課文一次,相信你地都明白,中五課程既課文係除左古詩之外,其餘既課文座底都過2000字,所以一抄都幾攞命!
係尋日返學,我發覺自己原來係買書買漏左本中文下書,咁上中文堂個時,先至記得自己係買漏,我冇人借,因為我借唔到,d老師巡來巡去,如果我咁突然問人借,好似太過唐突,而且係萬一我比人問起,咁就大鑊啦!我同個fd都會好麻煩...最慘既係借書一比黃老吉知,唉!你唔死都算執到...
咁尋日好吃力咁渡過左一場幾災情性既局面,咁我就唔想抄書,我就搵本上書去頂住檔,頂得一時得幾時,之後再搵我隔離位既lon捐同學幫一幫手,比d提示我,咁我就覺得好好彩啦!多得呢位大俠相救,導致我唔洗抄書,避過呢一劫...而且佢仲幫我解決左比黃老吉問問題既煩惱
咁今日好好彩我係雙數班,上英文堂!咁就避開左被黃老吉既懷疑,當然我都係一位識得感恩圖報既人,影完班相之後,我就借左cit紅書比lon捐同學,之後我就走左啦!
咁我返到屋企,都係咩人都冇,誠晉哥同我阿媽去左買野,之後我同細佬就係6點幾個時,去左龍豐買打機手制,而我就為住一本中文書而拼命,唉!去到商務,居然話比我聽冇貨,要過兩日先至有,頂!你冇貨就冇貨啦!以前同商務買,又話一星期有貨,點知成個月都話冇!之後去左學榮買,我就問個好後生既售貨員哥仔有冇貨,之後佢就一路好努力咁搵,搵貨搵到連到八月十五都露左半個,果然係一個好上進既售貨員!最後幾經辛苦,足之都完成左呢個搵書任務!
我唔知點解自己咁好好彩,可能係她比我一個上好既運氣啦!如果我冇書,我明天真不知如何是好!真係要多謝她! |
