本來同傻豬好開心咁一齊既時候,但係尋晚佢又令我唔開心了,我唔知點講好,我只係覺得佢冇為兌現諾言,所有開始既時候講既野,完完全全係尋晚破滅,我好傷心,而且自己唔係面對住一個問題,係同時間有好多個問題發生,例如好似尋晚咁,我老豆又無啦啦搵我細佬黎發脾氣,我係完全冇哂心情,連笑都成問題...

咁今日我又要面對住自己既失落,懷住一個唔開心既心情返學,咁我見自己有空閒既自修堂,我係圖書館幫佢搵左本書,幫佢做一左一份閱讀報告,100字容易到極啦!咁係同時我係圖書館寫左信比佢,諗起尋晚既事,我又點會寫得開心呢?一路寫一路都係情緒低落...

點都好啦!今次佢令我唔開心,恐怕要有一段時間先至可以平復到,我抽離唔到呢個傷心既局面,相信要花好長時間令呢個記憶淡去,重現開心...坦白講,佢對我既需要同了解都認識未深,如果要責怪既其實係怪唔落,至終一日都係要花好多時間去了解同認識,唔係一時三刻可以明白得哂!

如果要放棄,我覺得太浪費了,我咁辛苦先至可以同佢行到呢一步,點解係要我走呢?我唔想離開,講真分離易尋找難,佢係我既最愛,又怎可以輕易話放棄?

frc最抵死個味野就冇野攞黎搞，嫌老師工作量唔夠多，仲要叫d老師做多d!第二樣最抵死又最令學生討厭既就係補考，真係覺得禮賢會係唔係kai左，冇啦啦叫人地返學補考，考黎做咩ar?比著d人咪又係做埋d mc就長訓ga啦!

我今日收到個補考通知，咁我就要補考中文、數學同埋會計，中文我都唔知點解會fail，可能考試黑仔啦!不過呢d都唔係最重要，最麻煩既就學校係都要迫人留,好鬼麻煩!

咁我今日中文補課，而傻豬就係禮堂到比學校既「集中營」留校溫習，曾幾可時我既初中都係咁樣渡過，的確係幾無耐，而且留堂又唔比人訓，講野又唔得，其實講真我都覺得留校溫習真係毫無意思，講真真係會有幾多人真係會咁乖係學校溫書ga?肯定係書內有另類娛樂ga啦!我個時係搵本科學書夾住本opional(車書)睇靚車，女既就多數有本yes又或者有本milk個d八掛雜誌!

我今日足之忍受唔到個頭，d頭髮搞到個頭實在太怪了，咁去左彩園邨搵左阿明叔剪頭，剪到成個jarhead咁，爽ar!