噴古龍水,其實係我一直都有既習慣,一來我係一個食煙既人,咁有古龍水呢就可以除一除煙味!另外古龍水係可以令身體既體味消除,事實陣陣狐狸味的確係幾令人難頂,咁有古龍水,一些瘀既場面就唔會出現,至少令人既引象都會好一點!
我用開一隻lacoste既古龍水,係親戚送比我既,味道係處於清涼而不刺激,唔似一d止汗劑咁,雖然係可以令自己減少汗味,但係味道我就非常之頂唔順!咁我選擇左用古龍水...我好多fd都知我有呢隻古龍水既味,佢地都話不錯...
不過好奇怪地,今日我個班d人有一部份係唔接受到個種味,哈!可能佢地未見過出面既人係點啦!有點不適應...事實上,出面好多白領都有會用古龍水,由其係老外居多!事實上都係一個禮儀呢既,咁我上完pe堂,保持返個好印象比人地,咁都係理所當然,事實上我既汗味都唔係容易接受,咁為左避免一d狐臭事件,我咪用古龍水lor!可能今日我落重手左,咁咪大味d lor!
古龍水呢家野都係法國野,真係有時覺得法國人好smart,明白人體係會有狐臭既問題!事實上比人一個好印象的確係幾重要既,冇人會想做梁劍華二世,亦冇人想比人話狐狸仔或者狐狸妹!
講起狐狸妹,我小學有個隔離班既女同學,其體臭真係冇人頂得順,行得埋去佢身邊有1.5米範圍既,根本係冇可能既事!咁當時好不幸地未有止汗劑呢個良藥,佢就飽受排斥,唉!有時都替佢幾可憐,咁人人都有汗,只係佢汗腺既排放係比平常人多,但係太勁既汗味,就比人排斥...有時就覺得人會因為少少既事,對人留下一個陰影,我覺得咁樣係對人地既傷害係好大,點解我地唔幫助下佢,例如一齊幫佢點樣消除一d汗味,咁對佢係人際關係同埋自信心都可以提高呢?
梁劍華其實係好叻仔ga啦!佢識得改善自己既問題,不過佢改善唔到既,就係佢改唔到個d傻傻地既性格,令到佢既人際關係始終有d問題...佢係學校遭人白眼,其實都幾令我覺得佢慘...不過佢都離開左禮賢會,希望佢可以係新既環境可以有新既開始啦!禮賢會其實亦都有唔少既奇人異士,好似經常比人話火星人既驊仔,佢既身體問題令佢身體沒有頭髮,的確係幾令我覺得佢慘,朋友什少,又唔敢同人地講野太多,怕比人笑!我係樂行係接待過佢,佢其實都平易近人,都幾講得笑既...
其實比一個機會人地,盡量去接納,咁呢個世界先至會和平!人先至會係呢個世界得到快樂,唔可以用一d排斥既態度既去對人地,以前人地既往事,記黎又有咩用?爆返出黎,人地又唔開心,影響大家既感情,咁大家都會好過,自己既良心過唔去,人地又唔開心...
5c班既同學,今日噴得重手左,搞到你地有點不舒服,不好意思! |
