尋晚,老婆仔開始發燒!咁有成攝氏38.1度,大約係華氏101度到,本來我地打算係今日放學之後去玩玩,突破間呢個不幸既消息出面,的確係幾令我覺得擔心,至終發燒係一件幾令人覺得辛苦既事!
咁今朝起身,老婆仔打比我,咁佢就話比我聽今日佢返唔到學,咁間接令呢個放學後既活動係要cancel,當然係覺得有點可惜啦!不過我那時個心只係「擔心」呢兩個字,只係想老婆仔唔洗咁辛苦,希望個病係可以快d好返!
咁返到學校個時,基本上都係提唔起勁,因為個心係「擔心」,就連平時比較留心上既英文堂,今日都係成個人冇黎神氣!咁之後小息我同阿jack一齊傾下計,大家一齊傾個d war game野,因為佢明天就要出去打war game!而我點解唔打?因為我一來冇錢,二來就算我有錢我都未必會打war game,因為老婆仔病左,我要陪佢多d!
之後體育堂冇得上,因為基sir要帶學界田徑,咁所以變左做自修堂!都好既,可以做下功課,又可以sd sms比老婆仔!
到左lunch,我同jack兩個就去左街市,我入左街市範圍,安全左!咁我就立即打比老婆仔,好好彩地老婆仔真係有睇到我個sms,佢又好快咁接左我電話^^,聽到老婆仔把聲好返好多,咁成個人都輕鬆返哂,可以鬆一口氣!聽到老婆仔話睇左醫生,食左藥,咁我都好開心啦!
|
