| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 7 月 16 日 星期日  |
| 返教會...好耐冇返了 |
分類: 未分類 |
今日落雨落到七彩,但都我同細佬都係堅持返教會,好耐冇去啦!咁教會入面多左好多新人,亦都都有好多以往識左好耐既弟兄...
咁今日都係一路都係聽一d聖經野,咁同學校個d差不多,比我既感覺係總好過學校個d長老講道,長老有時講都我都感到好悶,我個班d人肯定個訓哂,只剩下我同一d乖既同學依舊堅持...
咁1點時,由於教會而家大左好多,所以我同細佬加埋一班教友一齊係教會入面食飯,嘩!華華姐煮d野好好食ar!例如個d麵,佢唔係公仔麵,而係伊麵,真係好食到七彩,可惜教會入面冇辣醬,如果有就仲好食ar!
咁今日識左兩位教友,咁其中一個係做消防,佢真係好大隻,只係高我2cm!
原來佢同我一樣都係好鍾意行山,咁佢就約埋我星期三,一齊同教會d教友一齊去石澳玩,咁都幾好既,既可以行之餘,仲可以玩爐,不過佢就用邊爐gas個隻爐,我就用第二隻...
香港真係好少同道中人係行山,但估唔到教會有咁多人行山,連d女教友都係一樣,其實我都諗過如果將樂行之友引入教會,我就覺得幾爽,咁話哂樂行都係由基督教學校開發出黎,咁教會又係基督教,咁可以有d共嗚!不過都要睇下師父比我去咁搞,如搞得成,樂行既會員唔止咁學校個d,仲有校外既會員,真係好爽!成60幾人一齊上山,係好壯觀既場面..
講埋玩risk先...玩risk真係好好玩,咁d教友都好強,玩得好叻!咁有一位教友就不敵多人既「圍揪」,比我,一位要好既教友同細佬一齊揪,佢玩左半小時後,已經「亡國」,笑死我地!最後我比個位要好既教友狂攻,最後明明有10個國,打到餘下2國,因佢既擲骰好勁,唔夠佢打...
最後都係滿載而歸,好開心!所以教會係一個令我喜樂既一個「屋企」,不過我真正既屋企就一d喜樂都冇,個傻既老豆成日發惡,何來喜樂...
|
2006 年 7 月 15 日 星期六  |
| 快樂的昨天 |
分類: 未分類 |
尋日經過一輪補課之後,足之可以出去玩,咁尋日我表哥原來落左上水打機同埋搵fd玩,咁我放左學之後,就會合埋佢一齊出旺角,同我d老死一齊玩...
咁出到旺角,阿wing同佢表弟一齊出左黎,佢表弟唔多曉中文,因為大部份時間都係加拿大,講英文多過講中文,而且屋企又冇同佢講中文,唔似我荷蘭d表哥同表姐,我阿姨因為唔想佢地身為中國人,但居然唔識講中文,會感到好丟臉!所以我阿姨成日都帶佢學中文會話班,或者學書法!
我同表哥一齊挑機,佢冇咩運氣,打唔到好好既成績,攞第四...
咁阿ben佢都有玩,開左架rx-8,可能佢夾ban打鼓既關係,佢既協調能力比我預期好...只係唔識睇轉數標,唔緊要既,慢慢學lo...
之後同阿ben,阿誠一齊去搭小巴落大埔,真係好爽,話就話25分鐘到大埔,真係到既,不過未到站lo...
咁同阿ben行過去太和火車站,咁行城門河河徑,比晚風吹,好舒服...途中既時候,阿ben媽係咁打比佢,唉!有時都幾煩... |
« | 499 | 500 | 501 | 502 | 503 | 504 | 505 | 506 | 507 | 508 | ... | 629 | »
|
