| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 7 月 19 日 星期三  |
同教友一齊極巔...  |
分類: 未分類 |
32度既天氣之下,好多人都想係屋企避暑,但我呢d行山人覺得一大個暑假,唔好浪費左佢啦!所以前日同教會報名報左「極巔之旅」,一黎就可以去我最愛既石澳,二來我鍾意行山,山雖少,但總好過冇得行,冇得行山係我人生之中最痛苦既事,會覺得好悶,我屋企除左部腦之外,其餘都冇野玩...只係有大自然同埋機鋪先至岩我!
咁今日行石澳大頭洲,同教會既教友係第一次行山,感覺當然就好新鮮啦,因為平時對住學會個d都係有返咁上下,而教友既程度當然就差d啦...呢鑊真係爽lo,d教友好多都係第一次行山,感到非常吃力,咁32度都真係幾辛苦!我都狂出汗,要飲d水食粒糖,先至可以行到平時樂行個d最快既跑山速度!
之後我係做到一個效果,就係跑上山同時係攞住個大西瓜跑...超爽!個d背包既重量大約係8至10磅,西瓜3磅,對boot2磅,跑上去,居然我係最早果個上到頂...笑死我!我真係諗唔到除左果個做消防員既教友之外,其餘個d都體能麻麻!仲話將樂行加入教會?呢個想法我真係要改觀...
上到山頂,都係一齊唱下詩歌,但我返左教會咁多年,都唔明學校唱既歌同教會個d都係永遠唔同...可能真係要貢獻下d美樂頌比教會!咁樣先至有下d更正既教會歌唱,教會個d歌我從來唔曉...慘!搞到仲係好有隔膜!
咁讀經時間,大家都一齊睇聖經,由於悶熱既關係,所以我d教友好多都冇走出個亭仔,零願餵蚊!我餵唔餵都冇理會,因為我已經針到習慣哂,甚至冇咩蚊會打我主意,好少蚊會對付我..
到左食野既時間,嘩!d姊妹煮野真係有一手,由其係華華姐既鴨腎片,好食到爆!當然我都有出cookset啦,教會出個打邊爐個d爐,當然唔夠我既輕巧啦!咁都煮左好多美食啦!
今日全程看海,而且行大頭洲,其實上過好多次...總之好好玩啦!
|
| 2006 年 7 月 17 日 星期一 |
| 100星的喜悅 |
分類: 未分類 |
今日同一班老死去旺角neway ceo唱k,不過唱k就其實我太喜歡,不過難得咁齊人,又有咁多fd一齊玩,咁點都係唱個興高彩烈!
去到ceo個時,咁我就見到成間ceo都好世盃feel,雖世盃過左,但我明白世界盃對人有深遠既影響,就世界盃既人類問題,人類對足球既狂熱,可以話係後遺症多多...
咁呢排狗雄係做加x紅(唔想同佢買廣告,因為我比較鍾意neway!),佢去到neway好似佢返工既地方,好熟手!自己自行帶埋我地入房,真係有幾下功力,果然係一位k房專業人士!之後埋單既時候,咁大家一齊比錢既時候,佢計錢奇快,可能工作關係...
之後去左衛星打機,我無意中同一個廢人打,仲要打到win左有100星連藍煙!掂!第一場17.4,佢輸10幾m,第二場,22.8,我仲要殺埋左路,大勝70m,第三場,山路7.6,佢完全唔曉...400幾m,呢d咁既傻蛋,多謝佢!之後佢叫朋友一齊加入戰場,但佢都仲係輸...
最後,我d fd冇人敢同我挑,因為個個都知道,我同佢地既level相差太遠,個個都話我太強,挑極都輸到底褲都甩埋,唉!而家一係人太勁,好似新之城個d傻佬,點打ar?但對住班fd又點比ar?唔好話搞車隊,連升到815都已經分分鐘要好耐時間...
我真係有諗同班fd搞車隊,不過真係要花好耐時間比佢地學習,唔係唔得,而係要佢地真係比d心思同埋努力,先至可以成車隊,到時可能會比我表哥帶頭,咁佢有返咁上下,應該都冇問題既...佢有咁多車,都可以知佢既能力,仲有空心卡tim!
而家我都開左一架silvia,作後備車!當然我未升好啦,得個360匹...
samuel真係資質最差個位,玩左咁耐,都係升左少少c class,我唔係話佢玩得唔好,再差既我都見過,不過佢咁搞法,唔掂lo!我其實唔係咁想佢再係咁玩,比著我我會重新玩過,打好個根基,令自己玩得好d...佢不論玩山路還是公路都係撞到「卜卜聲」,係又撞唔係又撞...
steven係我教出黎最醒既「門徒」,佢尋日足之跑哂20stage!好yeah!佢現時仲好似可以keep住藍煙,我個時都得,不過到左爆哂80stage之後,將會好似我咁,面對灣岸既「地獄之旅」...玩得超吃力!佢要等到車檢,先至可以再升到620hp,不過我諗佢好快會搞掂哂800或810,什至815hp
我已經升冇可升,因為我已815hp,無得再享受升hp既喜悅,所以要tune多架車,就係silvia啦,siliva車同evo8差唔多長...不過受閘能力真係唔夠人地閘!
我為人最唔欣賞既係灣岸d車主成日閘車,轉彎閘到人地還可以接受,但直路係度係咁閘,可以係最冇品既打法...上水好多人都係用轉彎插角入彎,意思即係借外彎最內個點,以折射既方法,將車快速地推出,不過我無幾多次用過,始終撞左就會慢,不如正正經經咁,玩到唔撞,咁咪仲好! |
« | 498 | 499 | 500 | 501 | 502 | 503 | 504 | 505 | 506 | 507 | ... | 629 | »
|
