| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 8 月 9 日 星期三  |
| 放榜了 |
分類: 未分類 |
放榜既日子,正正就係今日!我同steven一齊返學校...咁我地唔係立即回校,而係同阿嫂一齊係老麥食早餐!雖然我已經停食老麥,但如果食老麥可以減壓既,咁咪一次半次lo!佢地買左個通粉餐,唉!通粉令我想起細個既慘痛回憶,細個果時,阿媽煮左個通粉早餐比我,咁個時唔識野,一大口食左個口通粉,頓時即噴粉,條「利」如火中燒,,腫埋,即喊!
咁我就當然冇買通粉餐啦,食左個豬旦漢堡,飲奶茶,不過麥記d奶茶還是要有進步空間...
咁返到學校,steven同阿嫂佢地一齊上左去5A,面對放榜既現實,之後雞翼都來了!
幸好!steven同阿雄都係17,阿嫂15,阿ken20,全級文科最強,都係一馬當先既巧晶同學,佢既努力真係冇白費,有26分!呢d咁勁既人,抵佢有今日啦!
不過好既一面,亦都有殘酷既一面,西瓜不幸11,ben都係11,高佬華9,韻魚8,車神祈祈都係7,真係冇陰公!韻魚更哭起來!
我經過今次會考放榜,明白到香港既教統局,點解只係播左3個月既「求學不是求分數」廣告,我真係唔明,如果真係求學不是求分數,咁會考就唔洗出現喊到七彩既傷面!
之後我等埋steven同阿嫂搞埋d中六中七報名手續,之後同埋阿雄,steven,阿嫂,西瓜一齊直殺旺角唱k!名雄依舊走音,阿嫂唔知點解唱歌都好似哈姆太郎,超似隻鼠!我就冇咩點去唱,始終心情不太好,多數都係陪佢地唱!
唱完k,再去金雞打機,開頭都唔係打灣岸,玩battle gear2,嘩!真係難玩到七彩,成日都好易炒!唔同灣岸咁定!搞到要成日落波又上波,轉灣完全唔知點!甩哂尾入,in out in內外內做足哂!但都係唔得...steven就玩得非常痛苦,不過唔緊要啦,有阿嫂係度,我深深明白,一個好車手,背後總有一個支持佢既女人!steven係我心目中係一個幾好既車手,而家仲要加埋阿嫂,掂哂!
講下今日既戰略績先,一開波第一鋪就position1/4,真係好好笑,岩岩win夠110星,一完場個下d玩家全部唔係走,就係係自己既卡盒攞出自己既主力車,不過第二場有d主力車真係好勁!好多都用gtr32,打得都有d吃力,只係win到個position2/3,都好有一粒星,變成111星,之後再win多場,112星,最後d人真係「火起來」,全部都用哂sss class既車,飽受打擊及威脅,成日比班友狂閘,真係想動粗鬧個條友,可惜呢度係機鋪,而且係旺角呢?不過都win夠啦!
打完機,韻魚佢打比阿翼,話係先達廣場個邊行緊,咁我係知邊到,但非常不小心地行錯左,真係大頭蝦!但咁樣卻比我呢d睇車之人睇到兩架名跑,一架係maserati 3200gt,另一架係ferrari 355!帥爆唷!班傻佬真係走寶了!
咁我係廣華個邊順便買埋條「熱縮膠」,足之都大功告成...
去到先達,其實基本上都冇咩野睇,因為全部都係手電及其用品,再唔係都係提供維修又或者買一d不太出名既台既國內貯值卡...
最後大家財散人安落,大家都滿載而歸!當然佢地更開心啦,足之都可以放下會考既壓力!而且佢地仲有唔錯既成績...
|
| 2006 年 8 月 8 日 星期二 |
| 頂!切到手指 |
分類: 未分類 |
繼我阿媽個鑊砍到手指之後,而家到我!真係禍不單行...
今日本來係屋企好安定咁做緊d暑假功課,咁係一樣中文剪報,咁我攞住把victorinox既萬用刀係度介既報紙,介介下又覺得把刀有d問題,之後就搵個擦子膠介下,睇下把刀有冇問題,一介~嘩!真攞命,一介介中左隻左手食指,痛就唔係好痛,不過d血就拿拿聲出哂黎...
我都有d驚自己會中破傷風,幸好平時keep把刀keep得好,經常清潔,咁就好彩冇事!之後就迅速咁攞行山用個set first aid,拿拿聲用d黃藥水加火酒消毒止血,真攞命!
最後血就停左,用左好多藥棉,因為真係留左好多血,我估記個傷口都有1cm至1.5cm!
最慘都係今日游水,咁我個鄰居約左我出黎游水,咁我就是旦啦,反正夏日炎炎,係屋企鬼死咁悶,之後用佢游水,負傷上陣,我一游,就覺得隻手指痛,可能d水流拉扯啦!之後都係用右手玩水,都好既有更多機會train隻右手!
之後我返左上黎屋企,因為隻手咁痛,點游呢?咁無意中timmy同anthony話想上黎我屋企,我做fd既當然冇任歡迎!咁雞翼帶埋佢表弟上黎玩,佢表弟就比較慘d,因為佢由細到大都係加拿大長大,咁基本上都冇接觸中文,過到黎話題就比較少d!同埋佢可能出完街玩完,有點累,所以我問佢係咪悶親佢,還是sleepy?佢就話sleepy,咁好啦,整d醒神既歌,例如black eye peas個d!之後佢地係我地玩左一陣,分享下會考野,之後就各自走!
其實我今日看得出timmy有d驚,始終會考完,真係有無比既壓力!希望佢今晚訓得好d啦! |
« | 488 | 489 | 490 | 491 | 492 | 493 | 494 | 495 | 496 | 497 | ... | 629 | »
|
