| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 8 月 12 日 星期六  |
| 游水...重回大埔泳池 |
分類: 未分類 |
經過之前大埔泳池可怕既回憶,但我地並冇因為咁而驚...
今日入到去泳池游水個時,我都諗起那次既事件,唉!上次samuel搞成咁,真係好得人驚,我雖然冇向「穌哥」祈禱,但係自己就諗住「冇事既」既態度!
咁落到水,天氣熱但冷凍既水,真係非常之爽!我地係嬉水池玩左一陣,就走左去玩滑水梯!今次我足之玩齊哂咁多條水道,其中紅藍極快,黃橙最旋,綠色同水湖綠最慢!如果香港有韓國個d咁變態,咁就好玩啦!
之後去左玩標準池,漂準池50米,我今日游完都好佩服泳隊,游一個50米並不是一個簡單既事,steven佢就用佢自己既強項自由式,我同阿b就用蛙式,其實兩者各有好處,自由式就好快,可是不太適用於耐力,蛙式就慢,但係好岩耐力!
到左後期,我地一齊教阿雄游水,阿雄佢其實就唔似運動型,所以佢身上既肌肉基本上係冇練過,腳推動比唔出個力,我諗可能要叫佢行下山可能會好d,令腳既力量大增,我踢波咁好力都係因為行山!
係同時,西瓜就係度同阿b玩呢個「男子水中摔角」,真係好鬼死變態!
游完水落左上水食野,食左個河粉!真係好好食,可能游完水個人游到餓,所以覺得好味!咁食完野就去左game valley個度打機!都係網吧啦...其實我都係想去機鋪,可惜咁多個朋友之中,只得我同steven加雞翼係鍾意呢d機鋪!我係網吧大多數原因係屋企部腦壞左,好悶又冇野做,先至會落黎打機或者icq msn!咁今日有steven坐陣打warcraft,真係好爽,可以一雪前貽,唔可以比西瓜咁得逞!
打完機,各自歸家,但我同steven加阿b仲有節目,就係玩引體上升,咁個到有個d健身架!引體上升其實可以係學校做,就係廁所啦!廁格與廁格之間係一條橫柱,咁咪可以做到引體上升lo!呢d叫做「善用學校資源」啦!耐左冇做,真係差少少,而且今日係去完游水,其實都幾累!之後去玩雙槓,阿b係到學個d seal team咁雙槓式掌上壓,不過當然就唔可以好似佢地咁百幾下啦!但我地個玩法係用雙手挺起個人,要用兩隻手前進,同埋後退!steven從來未玩過,咁第一次玩,佢就好快學識!速度就差少少...
|
| 2006 年 8 月 11 日 星期五 |
| 去網吧打機加打波 |
分類: 未分類 |
自從自己16歲之後,大部電玩遊戲都集中左係呢個機鋪入面既灣岸...打波多數都係小學時既,由其係小學熱愛足球!不過而家係鍾意行山,因為行山我可以solo,唔洗一班人踢先至有得玩!
今日去網吧打機,真係重拾16歲之前既玩意,開頭玩cs,真係幾無引ga!我自己係槍game嘛嘛,車game就唔錯啦!阿雄依舊用佢d變態技術,好彩西瓜個時未黎咋,否則死傷冇數...
之後我地打warcraft,嘩!真係好耐冇打,差d唔記得點打...最後經過一輪既重溫,之後就曉打啦...
我地都估唔到西瓜原來係一位高手,warcraft殺到我地片甲不留,下次真係要叫steven挑佢機,唔好比佢咁串嘴!
玩完電玩,去左田心邨某個籃球場打波,我個人對籃球興趣不大,不過有咁機會去打,都唔錯既!玩得都幾開心!後期最好笑有班小朋友,大約3年班到啦!咁佢地踢波,咁我地幾條麻甩佬同佢地玩,我地玩射12碼,龍門係兩條籃球架個兩條柱!佢地開頭射極都唔係好入,我一踢就入左!爽ar!行山真係可以令隻腳d力勁大,以前未行山,係做唔到咁既力,而家就不同了!
最後大家都玩到好熱,仲好口渴!最後玩到7點先至返屋企... |
« | 486 | 487 | 488 | 489 | 490 | 491 | 492 | 493 | 494 | 495 | ... | 629 | »
|
