| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 8 月 15 日 星期二  |
迪士尼...食住你  |
分類: 未分類 |
迪士尼出哂名係一間「食人唔吐骨」既一間死老鼠公司,入場費完全不是人所想像,350蚊雙重奇妙,450比你全暑任去,看似非常吸引,其實一d都唔值...入面既精品係好貴,買盒糖仔已經75蚊,入面只係得幾粒!非常變態!
咁今日我同steven、阿嫂、雞翼、韻魚加埋阿雄,一齊入迪士尼玩!咁原來steven佢阿媽既唔知朋友定親戚係做disney既!由於員工可以帶3位免費入場,咁我就成為左其中一個受惠者,當然非常開心啦,我呢排手緊,唔係好夠錢用,好彩有steven提供呢個咁好既優惠,否則我肯定去唔到!
咁入左迪士尼個時,我地基本上係比太陽乾煎,一向比我形容係「汗精」既steven,當然好似一罐剛從雪櫃攞出黎既可樂!d汗水好似流極都唔停,我就冇咩野wo!全部人之中我件衫最乾,可能真係行山既關係,我好多行山既fd已經對呢d天氣冇咩問題,真係要行好耐先出汗,例如好似我既師兄夕陽,佢行山係冇汗出!再舉多個人,就係阿鋒,阿鋒又係唔出汗!
咁我地一開波去「幸會史迪仔」,我其實對史迪仔好感不大,因為我係鍾意「三眼仔」多d!咁黎得迪士尼,比左咁貴既代價,當然係要玩盡啦!咁「幸會史迪仔」係一個互動形式既影院,都幾搞笑既,幫佢做解難mission!
之後我地玩space mountain,嘩!真係係咁drift,爽過打灣岸!最好笑你steven件衫經過space mountain既洗禮,件衫乾左激多!
玩左幾個項目之後,我開始體會到disney其實一d都唔大,好快就玩左好多個item,咁玩玩下覺得d刺激程度一d都唔勁!我始終都係喜歡ocean park多d!
到左中午時間,大約係1300啦,咁我地去食lunch,即係送錢比disney!一個meal,係可以45蚊至55蚊,開大佢個口!佢同澳門何生個賭場無咩分別,非常狼胎!
之後又再玩一輪野,咁阿嫂突然見到雪條,已經深受吸引!咁佢開頭佢問steven食唔食,咁我一睇就知,其實佢想steven買比佢食,可惜steven令我有點失望!佢話咁貴,唔買...唉!身為男友既,呢d小恩小惠咪比出去lo!既可以令自己條菜開心d,自己唔失係咁多fd面前咁失威,多d錫自己條菜!好聽d黎講,steven呢d叫節儉(咁佢又真係好睇錢做人,唔大洗,不過一洗就洗好大),難聽d黎講可以以吝嗇形容!比著係我,我多數都會買比自己既女朋友,什至一人一枝,買唔同味既,最多咪「口水大交流」,不過呢個一定要係自己冇病先啦!
到左8點,我地一齊睇disney既煙花,睇煙花真係幾浪漫,也難怪咁多情侶去睇,steven同阿嫂佢地就浪漫啦!我同阿雄就兩兄弟十足兩碌蔗咁係度企,唉!我都想有個女朋友,可惜自己鍾意既青蛙既又係度玩野,都幾無隱!只好自己單挑浪漫啦!我覺得自己好似個d獨行俠又或者個d殺手咁,例如阿倫狄龍咁!做咩野都係單挑!
space mountain雖然刺激,但係都唔夠去食野個下爽,我地一齊去青衣城食finner,真係好鬼爽!我地去別府食,個間係食日本野!咁全台人都係得阿雄係over18,咁佢幫我地叫左個清酒「大吟嚷」,真係好飲到七彩,而我同steven就叫左個2椒既既湯麵,嘩!2椒原來係好鬼辣!食到我口水眼水齊齊流...下次都係一椒算啦!
最後,大家財散人唔安落,因為個d湯麵真係好辣!steven更話半夜要「打大佬」(打大佬即解作腸胃不適,要去很爛的大),可能真係辣得太緊要,搞到腸胃頂唔順!
|
| 2006 年 8 月 13 日 星期日 |
| 食卡 |
分類: 未分類 |
灣岸機好易壞,壞機既情況我都試過,真係幾令人苦惱同無奈...灣岸機最易壞既係波棍,可能係我玩左咁耐namco既車game之中最易壞既機!
今日同何家希打灣岸,係佢主動搵我打機,咁我為人就唔計較既,你搵我出黎打機,咪當冇左個回事lo!同佢去323打機,佢呢d係勁人始終係勁人,大部分車都係ss class!佢唔賣大包送星真係唔夠佢打...
之後佢用gtr32,正諗住打埋最後一局既時候,部機就食卡,佢真係非常之唔好彩,一架有600幾星既gtr32,就咁比323既灣岸機食左...而且永無返身之地!非常可惜!
算啦!佢只能為自己既車卡而默哀...我就真係好彩,如果我8代係佢用個部機,真係..唉! |
« | 485 | 486 | 487 | 488 | 489 | 490 | 491 | 492 | 493 | 494 | ... | 629 | »
|
