今日唔洗講都知,3號風球搭紅雨,賣2送1,本來打算可以安心返屋企,可以享受下高床暖枕的家,因為我今日真係好眼訓,尋晚唔夠訓之餘,仲要上堂都好sleepy,唉!我都好想訓,但係學校又何來有得訓(sickroom除外)...

今朝見到好大雨,自己又要攞住一堆為樂行之友而準備既道具,不外乎都係show裝備,3對鞋加自己返學用既書包...書包仲要比行山袋吞住,真係karrimor食karrimor!由於落大雨,我點都用硬karrimor,因為karrimor有高度防水,咁d道具同d書就一定唔濕!的確真係滴水不沾,後來我搭車個時,我再加個raincover,咁就萬無一失啦!一黎我要今背囊乾爽,令背囊保護更佳,避免有變壞問題...

返到學校個時,咁我交貨比師父,師父見到我書包同行山袋都係karrimor,佢居然話:「有錢仔ar!」唉!大姐,我有錢就唔洗karrimor啦!係就有出色d,THE NORTH FACE就差不多啦!

係中途上堂,葉太又有野講,又話掛紅雨,掛3號波!我就諗教統局都係死都唔放人,呢d咁既說話,我已經聽過數10次,唉!別再黎呢個「狼來了」既態度,既然唔放既,不如就唔好講,講左對我地又毫無意義,冇得著...係lunch既時候,隔離友校「燦記」,我睇到佢地既學生放學!我唔介意學校誠實忠心於呢個混漲既教統局,但要明白「中中正正,終需乞食」既道理,既然紅雨,學校又唔係太多野做,不如比一班老師休息啦!我好體會到佢地既辛苦...

返回學校既禮堂,我繼續同細佬係禮堂渡過學會宣傳既任務,同樂行共存亡(講笑啦!樂行之友會倒閉都幾難!)係last既英文堂,由於沉悶既氣氛加上無奈既心情,感到非常sleepy,eric sir行左過黎仲叫左我一下,真係唔好意思!

紅雨一次又一次聽過,但都最後都係冇法實現我地做學生既夢想,混漲既教統局一次又一次既「狼來了」,形成左唔少同學對佢既憤怒,係一個無奈既環境,大家仲有咩心情讀書呢?讀書為成績,為前途,為左會考好好睇睇!事實上香港又有幾多學生會喜歡上學,當聽到又或者睇到暴雨警告或者風球訊號,總係會令人歡喜雀躍,因為一次風雨,一班香港小朋友已經做左好多次「甜美日程」既歡呼(甜美日程:教會中幾常做既事,有甜跪、舉手、望天、雀躍、歡呼及微笑),可惜今年一次又一次令小朋友失望,似乎天文台台長真係要諗下個問題,其實天文台計算降雨似乎只以市區作準,欠缺公平性,新界既落狗屎都要返學,分分鐘屋企浸緊都仲要為資識而努力,九龍班友可能一滴兩雨就係到喊驚!

係樂行之友已經係四年,睇住樂行大,亦睇住自己變大加變壞,做board已經唔係第一次做,不過第一次係禮堂做board,目的係做宣傳...

今年學校真係好「節省開支」,連周會的時間都冇比一班學會揸fit人,宣傳學會的野,今年就咁比個board我地慢慢思考人生意思,學校想搞名校路線人所共知,不過現時連發揮所長既機會(即上台宣傳)都cut埋既時候,似乎又略為過份,學校聲稱係著重德智體群美,倒過來係一間谷成績,想上軌道既學校!所謂既全人教育,其實只係一個有表面既大騙局...

咁面對一塊board,基本都難唔到我同阿b,不過直board係一個幾大既挑戰,因為我同阿b都未做過直board,直board既難度在於要乎合一般人舒服既視覺效果!其次係清楚,不太花巧,又不要太單調...

我發現其他學會d board真係挺令人失望,一d新學會冇人選,學會入面既行政人員,咩都未有得睇,我地只可做既就係叫佢地面對現實,快d搞掂d政務!同時有某學會做得太過浮誇,太多花巧野,冇法帶出學會既意義,資料性什少!「美女廚房」學會就簡潔,可能佢地d活動真係少到無話可說,5行字,加d圖畫,咁就完成左...「大衛高柏飛」學會一味玩波波,但係犯左個幾嚴重既錯誤,就係d波擋住哂d資料,無法達成有效傳意...排球會個board就好簡單,不過玩埋實物既排球就真係唔錯,可取!

定日係樂行既大日子,可惜steven帶病在身,可能要帶病上陣,非必要時我可能要做「長老軍師」,放心!我一定做得好,我做長老,其實等於做諸葛亮,專門都係比idea班友洗,就好似今日整個board,其實概念都係我比出黎,由我細佬阿b親手去實現我既預期,當然現實比想像中更好,阿b其實手工藝係好叻,不過佢唔識運用,唉!

steven既擔負感始終都係有改善既空間,其實整個做board既過程,都係我幫手去睇!

好多人都以為我仲係樂行一哥,唉!可惜我中五呢?我唔係唔放心比steven去應付,不過真係有少少懷疑佢會付出幾多去搞好個會,態度係認真,但未做到親力親為,略為失色...最弊係佢仲係專心理女朋友,而甚少管理學會,不愛江山愛美人,雖好偉大,但用錯左時間...

希望佢真係認真打理學會,唔好倒我米,咁辛苦先至招到咁多會員,佢同我倒米,steven真係找死了,因為大量長老,幹事都會衝住佢黎打...希望以佢既理智,明白啦!