今日天氣凍左,風亦都大左,忽然間諗起青蛙,唔知佢有冇凍親,有冇著多件衫,始終佢身子弱,希望佢可以記得啦!
回望以前既秋天,秋天成為左我行山行得最多既時間,由於天氣不寒不溫,帶既gear亦比冬天輕便,又比夏天舒適,所以我好多行山gear都係秋裝!
「秋風起,三蛇肥」,我諗起我阿媽會買蛇羹返黎食,其實咩蛇羹,我覺得蛇都唔多蛇既野,只係一堆蠔油顏色既物體,加少少好似蛋花,基本上蛇羹其實同「碗仔翅」冇分別,只係蛇羹係有蛇既成份...
我好記得中三個年既呢個時候,我好記得開學果個星期,我岩岩認識左steven,那次冇意中搭笠,我就見到佢,之後大家見到係到笑,之後搭埋小巴返學,呢件事真係好多得屋企大廈既笠,如果唔係部笠,我同佢好可能未必有咁多機會去見面,什至唔會一齊共同進退...
秋天仲有一件好有意義既活動就係中秋,今年中秋遲左,其實冇奈地係因為今年有農曆既「閏七月」,所謂「閏七月」其實我都唔太清楚,好似話係西歷咁,2月28日,4年就買2送1加多個29日!搞到中秋都遲左...中秋不外乎都係煲蠟,以前細個唔敢玩,但以家當然敢啦!我好鍾意搵一d小昆蟲放係個月餅盒入面,之後放幾支蠟燭,點著佢,之後搵d石頭,log高個盒!下邊又加火,咁個d昆蟲會覺得上又熱,下又熱,一味就圍走,最後就會聽到d「卜卜聲」...
我正係諗緊今年玩咩好,例如蠟燭大戰zippo,首先將蠟燭點著,大約3至4枝,之後再zippo電油加入月餅罐內,zippo電油隨即著火,再搵d水加入去,形成勁大火!之後大量投入蠟燭,再加少少水,一次過淋一升都唔錯ga!個罐肯定黑哂,仲要啪啪聲...最好穿埋底!
其實我最想玩係可以玩到有爆炸性,當然係要有人可作出適當既配合!例如攞大量既塋光棒,一齊燃燒,再加入一罐zippo電油或者噴髮膠,如果有枝電槍或氣槍改裝有兩焦以上更好,一槍打爆個罐,個罐肯定炸到飛天!什至如果用煙花或者爆竹入面既火藥,全部倒出,搵d布碎蓋住佢,入落啤酒樽入面,再搵d天拿水同電油入埋樽,再係樽下面起一個火,肯定炸到七彩...
|
