人人都有妒忌,我都有!就係好渴望屋企人思想開放,唔好再保留60至70年既思想,例如去街個時唔好咁多屋企既來電!其次,家人文化程度可以提升,最基本係資訊科技上得多一個進步,可惜佢地都不求上進...阿爸賭錢,係識用電腦睇波盤落注,唉!好在佢未到走投冇路...阿媽係機器瞎,但唔明佢點解當年可以係電子廠做QC(品質檢定)...

steven屋企我覺得係比較開放,至少佢屋企目光遠,唔似我屋企人咁,只係終日沉醉係金錢上而不是享受...其實我有時覺得人一生會為錢而拼命,但同時都要明白休息時既享樂,以放鬆人生上既壓力...steven佢屋企就明白呢個道理,所以屋企好多時放大假都會去下外地旅行...

我屋企就慘啦!我阿爸唔識解決壓力,係一個巴士阿叔第二世,好多時都係會發皮氣,甚至令全家不和,所以我唔理屋企,因為係我心目中屋企已經一文不值...返黎屋企,只係因為有飯食,提供基本食宿,其餘好多時間我都會出街或者教會,係出面始終比家中快樂!同時屋企唔多去旅行,因為我老豆唔明白去旅行既意義,就算去旅行,大多數都鍾意返大陸,方便下注嘛...

其實我唔明steven妒忌什麼,佢聲稱係妒忌人地屋企有車有物業...佢屋企冇車,我同樣都係,因為屋企除左我之外對車有興趣之外,其餘對車不太興趣,而且冇車牌,真係好大既遺憾...物業上,佢地冇extra既物業,我屋企有,兩個!上水彩莆園一個,大埔丁屋三樓連天台!但弊在老豆鍾意賭呢...其實我覺得steven應該係要知足,屋企唔會比壓力,生活可以比到佢,正如屋企都已經兩部電腦,一部ps2連大量games(保守估計都有30隻或以上),一部psp,一枝二手槍價賣比我既m4a1,再搭埋屋企仲可以暑假聖誕間中有旅行,呢d完美屋企真正豆!事實上佢ps2連games加psp,足足夠我買一set full gear既行山野,以我現時估計我個set野大約4千蚊,psp約2千幾,ps2齋機1千幾,連games,有4千啦!

其實呢d金,運錢上既野好多人都好想有,我當然同樣啦!我其實都有一個想法係過多幾個月18歲,去房署抽公屋,到時打下工,貯下錢,差唔多上樓,搞掂!行山當然會行啦,因為行山其實係我一向既理想,當然會向更高峰進發,衝出香港啦!

對於非洲貧窮既村落黎講,4000蚊已經可以救活一個村落既人,因為5蚊港幣已經可以救到3個小朋友!所以有時我地有時要明白貧窮既問題,因為我地富足,比較難體會到貧窮既問題,去玩「饑饉30」唔係唔好,而係當係過左個活動之後,同樣地都係回到富足既環境,可以玩,可以大魚大肉,可以享受!希望大家明白什麼叫「知足常樂」!

尋晚,當我係後樓梯抽根煙個時,無意中發現左一隻挺大隻既「小強」,約一隻經常打籃球既男仔手指公大,咁我當然會有d「搞作」,我返回屋企,call阿b出黎,睇一睇隻「小強」,再返回屋企攞罐zippo電油出黎,為「小強」進行一場慾火焚身既洗禮...

當到達「小強」既位置時,我地為「小強」進行洗禮,就係向佢淋下zippo電油,「小強」非常不喜歡電油,所以一直咁走動,當「小強」走動,電油隨佢走動既位置遺下,形成一條導火線既效果!

我一向都係zippo火機既愛好者,有zippo電油,當然仲有火機啦!我向有電油既地方點火,由於電油有揮發性,發生左一場幾秒既閃燃!幸好d火只係燒到我既手背既手毛...回望「小強」,嘩!「小強」展示出佢既慾火焚身,一路勁走,一路燃燒住,好一隻跑到火箭咁快「火小強」!

不幸既消息係,「小強」係逃走當中遇到困難,就係死角位,更唔好彩既係佢遇上一位殘酷既阿b,阿b仲要加碼比多d電油落去,荒死d電油好似唔洗錢咁...

最後,「小強」慾火焚身後,餘下的只有燒燶既身體...

睇完日記既朋友,千祈唔好學我地兩兄弟咁玩火,由其係呢d「火小強」,「火小強」最大危險係一旦附近有什物,好可能會形成火警!尋日我地既後樓梯係毫無什物,所以我地先至玩「火小強」!本來我打算拍片,但可惜我既手機係冇拍片功能,如果係有既,我一定會拍片再post上youtube供大家分享!