9月1日,成為左好多人既開學既日子,今日返到學校,見到好多中一既新丁,卻發現一個現象,就係d中一一年比一年細粒,我自問我唔係高好多,但感覺上始終都係細粒...咁今年有兩位教會既弟兄姊妹都係讀禮記,我當然高興啦!不過又替佢地悲哀,因為學校政策改左,而且334其實未必係一件好事...

我今年升中五,阿b repeat中二,其實兩個都唔好受,我就將會會考,仲要係第一堆出黎做炮灰既白老鼠,阿b就更可憐,佢就今年要334,好多野都要重新學習,同我上年repeat中四係毫無分別,不過呢個現實,好命既咪好舒服咁過左,唔好彩既只會換來一堆痛苦...

至於我個班點呢?中四個時,一大堆男仔全部離開禮記去幫襯方力申既「小毅進」,最多野搞而且又麻煩既都走得七七八八...反而變得非常靜,好事黎既!令整體都好有學習氣氛...

田鼠今年同我一班,非常之正,大家同聲同氣,以前個d,唉!真係雞同鴨講...

一個唔漫長既暑假,話咁快就結束,對於好多人黎講都係一個幾不幸既消息...

對於情侶,佢地會覺得暑假咁快就完,分分鐘有d仲諗住同人地睇場戲,又或者去一轉街,暑假結束左好多夢想都要結束!對於單身人士,即係我呢d,睇落好似無咩野咁,我其實覺得唔夠皮,仲想玩多一陣,例如想游水,唔係唔得,只不過要經常性要理會功課學校上既問題,想游多一陣都唔得...什至係想識返個自己喜歡既人,但我今年撲空了,唔知係失敗還是係成功既開始,不過戀愛係要隨緣,強求..不行的!

黎緊中五,我唔知仲有幾多時間可以打呢個日記,不過呢個暑假真係令我黑左同大隻左,因為經常性游水,打波,行山,仲要玩左一次教會camp!如果話得著既,有!唔錯既收鑊,快樂lo!

我唔知仲有幾多個暑假,不過我諗數目一定唔多,餘下的不出10個!因為睇要返工,返工何來有暑假?所以仲係細既,請珍惜暑假!