| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 7 月 27 日 星期四  |
| 青蛙藍莓魚蝦蟹 |
分類: 未分類 |
其實旺旺(即青蛙)佢地都好nice,大家一齊煲下電話粥,的確係幾happy!大家都有講有笑,有時亙串下,幾抵死..
不過我後期就覺得,唉!我當你係情人,你當我好似係朋友咁,就連佢身邊既朋友都話,佢好被動!
我自問都唔係一個主動既人,不過我估唔到佢比我更被動!被動或主動都唔係一個最重要既問題,而係比唔比到個心一齊去認真,可惜我搵唔到佢有何認真,只係覺得佢好似玩玩下,尋晚青蛙一路都好少出聲,唔知佢發生咩事,有時叫佢先至應下一兩句!
「錯失姻緣」呢句野係從阿魚口中講的...佢就真係明白咩叫做感情同愛,我自問我可以將好多野都放低,令自己有多d時間可以了解佢多d!
事實上藍莓比較容易明白人地既感受,阿魚一味只係識得玩野,阿蝦就經常性唔出聲,阿蟹冇野好講啦,一味只係識得係屋企對住部腦打亂online,所以同佢基本上係接近「零交流」,青蛙都係個句,為人係好開朗,不過唔認真,居然可以狂笑笑足兩個鐘頭,服左佢lo!
同青蛙一齊只會覺得佢冇認真過,成日都係係度玩玩下咁,我真係好想佢為我而認真一次,一次都滿足!現時最慘既係唔知點同佢,佢一味只係會搵阿蟹係到講,我唔係介意佢咁玩我,而係覺得唔好搵d fd黎講,好似人地篤背脊咁,話哂大家一場朋友,咁都唔好搵呢d野黎玩...
|
2006 年 7 月 26 日 星期三  |
| 重返城門水塘,再進碉堡! |
分類: 未分類 |
雨細細,行碉堡份外有電影「勾魂谷」feel!講真今日天氣真係好陰暗,唔見得半點好陽光,只有一滴滴既雨水...
咁今日都係同教會行山,同教會行山有一度好處,就係可以train下自己既行山下煮既功力,而且非常興鬆,行既路唔多!可以同d弟兄多d交流一下d心得!雖然同樂行既風格好唔同,樂行既風格係挑戰,好少會搞呢咁旅行式既活動...
今日行城門,對於好多人黎講,對行山既認識真係少之又少,明知今日入碉堡,入面唔保證係咪冇蛇蟲鼠蟻,雖然我同細佬都係一個已經入過既,但都明白洞穴既問題,就係洞穴好多時都成為一d生物既居所,一旦中途有人比野咬,咁就大鑊啦!大fallback個時肯定好亂,碉堡又黑又窄,仲要係濕淋淋既環境,好容易導致更多既受傷數字...
咁今日成班友係城門水塘一齊讀經,好開心可以同富哥一齊講下人生意義,唔講真唔知,人生既意義真係好闊!
到左食lunch時間,咁我依舊都係開爐,上次睇爐既係細佬,咁今次到我!我同細佬既玩爐既手法非常唔同,佢就好錫個爐,唔會開得好大!而我就係好鍾谷盡,好似賽車咁,谷到個machine爆咁!不過呢d野都係趁新爐先至咁玩,當個爐7老80個時,分分鐘爆炸或死火就檸樂啦!
咁我地d麵有d咩呢?一隻麵,一d午餐肉,再加d日清美味寶咖哩牛肉味,真係好食到七彩!令d教友流哂口水,不過佢地都唔弱,有魯水雞翼,腸仔,仲有西瓜,我本來想試下切西瓜,但係d弟兄耐不住天氣炎熱,所以「將冰山磅開」...
探險時間又到左,又係d姊妹尖叫既時候,咁碉堡入面d蟲蟻好多,不時傳出尖叫聲!咁突然係碉堡入面,突有蝙蝠!因蝙蝠受驚,所以就係碉堡入面,不斷咁飛!嚇到d人七彩!
碉堡的確係一個富神秘色彩既地方,同時係一個戰爭舊地!我都幾鍾意...如果日後有更多呢d碉堡活動,我真係好想去! |
« | 495 | 496 | 497 | 498 | 499 | 500 | 501 | 502 | 503 | 504 | ... | 629 | »
|
