| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 8 月 6 日 星期日  |
| 我真的受傷了 |
分類: 未分類 |
我愈來愈唔知呢隻青蛙想點...當初想講呢四個字,點解而家又唔想講,仲要話我地既關係係朋友,可以話係一生人之中最傷既話,我唔明白點解我咁努力,每件事都盡量做到最好,我自問我冇做錯野...
雖然兩者之間既年紀相差係大少少,興趣亦相差什遠,呢d都唔係問題,最緊要既係,青蛙有冇心去對我,但我只覺得,青蛙只將我拿起看看,之後覺得都唔玩,唔買了!
以前仲會傾電話傾通頂,而家3點都未夠就想打發我,係度話「我好眼訓」,呢d係咩態度呢?唔鍾意我咪算lo,我零願你打我幾巴掌,之後話分手,咁樣我最多發洩一輪,最多行多幾次山,之後可以好快冇事...但而家,想我點wo?
李彩樺有隻歌都幾同我而家既情況相似,就係「愛一個原來不容易」,為左一個鍾意既人,真係一d都唔簡單,何況仲要比人hurt既代價...
到左尋晚12點我足之喊左出黎,我未試過喊得咁厲害,d淚水好似河水咁,開始覺得自己好傻lo,好似為一個三唔識七既人喊一餐,仲喊到眼都腫埋,唉!真係唔知為咩...
佢仲話唔係冇可能,有機會既,100分之一既機會,樂觀黎睇,都好既唔係冇機會既,悲觀黎睇,分明想將我棄置...
如果一時之間要將佢放低,實在真係冇可能既事,但佢咁做,可能無非都係想我離開,咁好啦...我只可以做既,一係努力繼續同佢傻,一係真係drop左佢...
|
| 2006 年 8 月 5 日 星期六 |
| 打桌球 |
分類: 未分類 |
我好耐冇打過桌球,我唔係話突別喜歡桌球,不過只覺得佢幾得意同埋好考你既角度邏輯,好玩!我最鍾意既室內球類活動係保齡,其次係桌球,之後係兵乓波!
咁我今日去阿仔屋企樓下個會所打波,本來諗住焗sonan,但係時間關係,最後都冇去,因為我想等埋steven一齊去,咁樣我覺得會好玩d!多個人多個快樂嘛...
咁開頭打波,大家都好正經,阿仔打波真係笑到你飛起,好多時都air...我就今日都入唔少啦,不過都唔夠名仔個fd名榮咁厲害,佢平時都去開波樓打波,咁也難怪佢會打得咁勁!
之後我地打完一場次後,大家開次玩野啦!一味射波,搞笑到成班友成日玩到d波跌哂落地,我就幾「金」,阿榮一射個波飛中我心口,幸好力度不大,只係紅左少少!不過阿榮佢後期都好「金」,搞到手指尾瘀左,如果再大力少少,好可能爆手指骨!
我好耐冇咁開心過,今日玩得咁開心,真係好難得..
呢排屋企發生好多野,真係令人傷腦根,老豆又發老皮,搞到成家人都亂哂,阿媽日日喊,唉!
屋企咁多問題,自己又唔係有錢,只好得閒就返下教會,至少教會比到我快樂,可能穌哥關係啦!我相信返教會會常常喜樂! |
« | 490 | 491 | 492 | 493 | 494 | 495 | 496 | 497 | 498 | 499 | ... | 629 | »
|
