| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 27 日 星期二  |
| 大刀刃及北大刀刃 |
分類: 未分類 |
今日,阿鋒、阿明、阿b加埋我一齊去行大刀刃同北大刀刃,呢兩個「孖仔」既山,一行就必定要行哂一孖,正如城門水塘既針山同草山,行一半唔行行埋另一半,會搞到成個行程好唔知點...咁與其第二座山都咁近,咁我點會殺埋佢架啦...
咁我地咁耐冇行,唔多唔少都在體能上都下降既問題,咁行得山好多時都要面對呢d咁既難題,是旦啦!殺上去就上去,咁我地今日係由箕勒仔(蝴蝶山)上,過埋大刀刃及北大刀刃,今日都有成30度,可以話係對行山黎講係一個幾辛苦既天氣!咁我細佬係大部份時間都係秋冬季行山,夏天的確係什為吃力,我同阿鋒阿明都係有操開體能,而阿b就比較少練,體能亦不太足夠,所以行得比較吃力,正常既,我今日都行得比平時慢得多!不過我就唔著重速度,而係行唔行得哂成段行程...
咁好輕鬆地就行到箕勒仔山頂,咁好正常地係好易行到頂...
雖然行山好熱但困難會比之前更吃力,上北大刀刃,嘩d樓梯大約有1000級,可以話係非常辛苦!行左成20至25分鐘先至行到上山頂,咁山頂就有個亭,可以係一個避暑既一個好地方,而且可以望到吐露港,連船灣都冇問題,真係陣陣海風,清風送爽,非常舒服!
咁係個亭都係留底20分鐘,我地起程,山上面好起伏,正如八仙嶺一樣,當然八仙嶺就好講耐力,起伏率相差好大...
去大刀刃,中途非常大風,又要整d過雲雨,真係吹到你頭痛,到左頂個情況更加好怕,唔好話行,連坐都係好辛苦!咁坐係三角網測站,真係好多野睇,例如見到內陸形成小型龍捲風,的確係幾可怕!大帽山真係變幻莫測,d霧時大時細,我都記得個時樂行行大帽山真係大風大霧到不得了!
到左落山,呢下真係上山容易落山難,咁我地唔去嘉度理農場落,去石崗機場個邊,真係好辛苦,咁落山接近無路可去,完全係冇落,最後仲要行入去山澗,咁我地最後都安全咁落山,不過我因為落澗時跌一d,搞到個zippo跌左,幸好人係安全,唔見火機事少,zippo又唔係咩突別版,唔見左呢個火機,但換來一個學習!落澗係要好小心,而且係最容易失物既時間...
離開山澗,總算係全隊四人安全!但行返出去,都要花一段時間,經過一輪問路,足之都出到去村口,咁落左山之後,我睇到自己隻手,嘩!又黑又傷,仲有少少痛,咁冇計之下,我就食左枝煙止痛,的確幾有效!
同阿鋒一齊等車,咁我同細佬見到54號巴士,咁就同阿鋒講聲byebye就係咁先,佢就話有d事去第二度...
一上車,冷氣開大真爽,咁我地一齊係車上面換衫,有一件冇汗既衫,的確真係好舒服,咁落左元朗,同阿b食左個牛什河,我仲食左個西多士,真係好食到爆!
其實大刀刃加北大刀刃同雞公嶺係兩種不同程度既山,前者係挑戰難度,而後者係考人的耐力,兩座山都非常刺激,當然大刀刃同北大刀刃係難d...
今日係我第一次著短褲行山,第一次著columbia低筒,咁至終係開頭會辛苦少少...另外呢,第一次同fd係咁熱既天氣行山,心情都算幾開心,仲有係我買左行山仗之後第一次唔用行山仗,因為以往係樂行之友都要用好多水,冇枝仗真係好興鬆!
|
| 2006 年 6 月 26 日 星期一 |
| oral |
分類: 未分類 |
今日英文同中文oral都可以係以so so黎形容,咁英文真係比人激死,我咁得咁白,佢居然話比我知唔明,頂!你唔明就唔好咁多野講,就唔好係度講啦!
中文就好激,我對4條友,咁carman家姐因為退左學,咁就冇出席,唉!真可惜...自己埋尾一年都見佢唔到,諗起個時,佢好多時都比d煙仔我...
咁佢地4個都係聯盟,四個立場一樣,但我呢d大反派,當然唔想同佢地同埋一齊同盟啦,因為有相反,先至可以有得講,個個同一陣線,咁會令個環境好容易dead air...
之後,我個team好容易輕鬆咁完成,之後d組員仲話我勇,咁係既,一個大反派,難度係非常高...其實呢d野就好多時都會係學會入面面對,因為可能係一個議程入面,一d會員會出面唔同既意見,咁為左要支持自己既意見,明明係大反派都要講掂佢,死都講返掂...
到左個人朗讀,對住陸陸,心情點都有少少緊張...但都係有驚冇險... |
« | 508 | 509 | 510 | 511 | 512 | 513 | 514 | 515 | 516 | 517 | ... | 629 | »
|
