| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 19 日 星期一  |
| 斷正「偷柴」 |
分類: 未分類 |
今日考完世史之後,我地班冇啦啦殺出個梅sir call左黃記出去,我睇佢比祖領問佢,我聽唔到佢地講咩,不過我睇到佢地既唇語,黃記既唇語係:「我係學校門口個邊比人捉食煙」,我就諗佢可能係搞笑係狙擊手隔住架貨車,係度「偷柴」...食煙,罪名真係要問何家希,話哂prefect,熟校規ma!不過大多數都係小過冇自新
我都試過係放學之後,係學校附近「偷柴」,但係從來唔會比人斷正!最好笑有d人係學校個d廁格偷完柴之後,比d訓導係門口企係到等佢!呢d真係唔識做,你估你係上官咩,話「扯」就「扯」?
比著我偷柴一定唔會係學校,學校鬼死咁多cam,雖然來來去去都係停車場,正校門,玻璃屋同埋「笠」,再加埋其他人肉cam,d人肉cam成日都走來走去,肯定係廁所都捉埋你出黎...
上官就唔同啦!出到校門外,話知你成包一次過上,都唔會比d老師管,我契仔以前讀上官,係門口分枝煙比我,冇事!而家佢係東涌,直頭冇人理,上堂話去廁所,問一問隔離位比個火,走入廁所明食都可以!
有時我覺得學校d訓導真係好多事,人地出左學校門口,就唔係你地頭,你係學校就話主場姐,出到去咪又係作客?人地去網吧打機你又上黎掃場,你估你係「y屎」咩,話入機鋪查牌就查牌,好聽d咩話你好人,唔比d學生學壞,難聽d咪話on居lo!出左校門就唔係學校,咁d老師咁多事理d咩呢?
就算係學生壞,都唔到你理啦!咁多事不如做義工,去做蝙蝠俠ar笨?
|
2006 年 6 月 17 日 星期六  |
| 塞黑vs阿廷根...塞黑完全冇還擊之力 |
分類: 未分類 |
尋晚難得趁住今日係星期六,咁尋晚又係有波睇,咁有機會點都要睇返場啦!阿根廷係世界盃入面既列強,唔睇都對唔住自己...
咁尋晚9點睇波,嘩!真12年冇睇電視機今天足之都打破了,太好啦!有波睇!
咁阿根廷既打法真係好搞笑,佢唔會好似巴西咁專用「的波」過你,佢用「猜波」,好似人地幾個人一齊踢毽咁踢下踢下就埋門就射,可以係令人地隻腳冇波kick到,傳波30幾下,一揪就入...
尋日阿根廷做左大嬴家,塞黑比佢打到冇聲出,最後阿根廷大勝6:0,果然係烈強既典範,如果阿根廷叻既今年分分鐘可以攞埋盃...6:0現時係阿根廷係佢個組最叻,最冇可能比人踢走...
塞黑,基本上係陪踢,冇還擊,而且係成日比球證出牌,d黃牌係咁黎!我諗佢地都係算吧啦!中國咁大把都係入過黎世界盃,打過幾場就要去,塞黑入黎玩過兩次,已經係唔錯!不過下屆都已經唔係塞黑,因為早前塞爾維亞同黑山舉行投票,決定黑山是否獨立,最後黑山成功獨立,成位地球上現時最年輕既國家,都可以話係好事既,at least佢已經脫離米洛舍維奇既可怕政權,不過米洛舍維奇而家都死左,已經冇哂恐懼! |
« | 512 | 513 | 514 | 515 | 516 | 517 | 518 | 519 | 520 | 521 | ... | 629 | »
|
