| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 3 日 星期六  |
| 收音機... |
分類: 未分類 |
我平時都有係假日時間收聽收音機既節目,大多數都係聽新城娛樂台,例如啤梨既卡拉obay,阿ben同阿bob既新香蕉俱樂部,呢兩個電台節目都幾有趣既,卡拉obay聽d人唱歌,有時d小朋友12點幾打上去電台,唱d幼稚園歌真係非常好笑,更有時係香港既印尼人,可能係印傭又或者係一d印尼家庭長大既人,佢地好有勇氣咁,唱佢地既家鄉歌,有時都幾好聽,唔錯!
尋日我大部份時間都係聽12點打後既卡拉obay同埋去到1點幾新香蕉俱樂部,卡拉obay就邀請左d鍾意創作既人,例如係好似kellyjackie個類鍾意創作自己既歌曲又放上網比人分享,咁尋日就有兩個男仔上去,咁佢地同啤梨吹下水,之後又再live show,雖然佢地未試過出去出面作任何既公開表演,連街頭擺檔唱歌都冇,但佢地唱歌真有一手,好好聽!簡簡單單一個彈結他,一個就唱歌,卻成為左佢地既喜愛,更有大志打算成為佢地既全職既職業...我都曾有呢個想法,不過我比較鍾意行山,我零願行山成為我個人既職業!
聽完卡拉obay,咁就要等一段新聞,新聞又講返尋日既紅色暴雨警告,真係氣死我,我真唔明白點解學校唔比我地提早放學,人地上水官立都係lunch既時間全面放學,不過大部份學校都係照返學,唉!咁大雨,放就放啦!我本來諗住一放學就過去阿仔佢老豆同幾位朋友開既茶餐廳,叫家家樂(即以前海椰林既鋪位),因為間野尋日第一天營業日,咁我身為朋友既,點都要挺下場欣賞一下人地既作品,的確又幾好食!
到左聽新香蕉俱樂部既時間,阿ben同阿bob係開場個時都係講一大輪廢話,又互串一下,好無聊!之後佢地聽下一位聽眾電話,咁係一位深圳既女聽眾既,原來佢因為男家既屋企人不討好佢,係佢婚前已經唔鍾意佢,咩原因就冇啦!呢個聽眾成日因為咁而唔開心,又成日因為要睇住佢老爺奶奶個兩隻旺財,搞到唔知點算!隻狗係細狗,百厭就梗有,不過衰在d狗仔好唔識做,呢位女士放佢出去後花園放水同大解,咁都好既花園有草,放d狗去解決,既可以解決d狗仔既問題,而且d草有肥,令到生長健康d,唔錯既!但狗仔們只會係後花園玩,大小二便只會係屋內解決,令呢位聽眾極感煩惱!其實我覺得呢位女士都幾慘情,屋企人又唔討好佢,連狗都都玩殘佢,呢d咁既問題,唉!係人都瘋了!
咁佢就打算係將d狗仔送比人地,例如朋友或者其他喜歡狗既人,咁阿bob就話唔好咁對d狗,咁d狗係老爺既,送比人咪只會令老爺奶奶更加唔開心同埋對佢既印象同感覺更差,而且d狗會因為咁覺得主人放棄佢,的確我都有咁既想法,佢同老爺既關係已經唔好,再係咁搞d唔討好老人家既事,打架都似!同時d狗仔養左咁耐,對老人家都有返一段感情,佢地冇左隻狗,可能令佢地心靈上失去記托...另外d狗可能會因為送左比人,隻狗既心理上會覺得主人唔要自己,會有抑鬱,什至厭食而死...
教狗仔唔難,不過真係要有耐性,其實呢位聽眾因為唔鍾意老爺奶奶,間接唔鐘意佢地既狗仔,正如美國同蘇聯係冷戰時期咁,美國搞北約,蘇聯自然就唔會支持美國所建立既野,正如馬歇爾計劃,蘇聯冇支持佢,仲自己自立門戶,搞莫洛托夫計劃...
其實我就覺得一家人唔好搞咁多野,安安樂樂食餐飯,佢對你唔好,咁咪嘗試下同佢地相處lo,相處耐,自然就會下火!
|
2006 年 6 月 1 日 星期四  |
蕃薯死了...  |
分類: 未分類 |
|
今日2005年6月1日,我同細佬的小龜蕃薯不幸逝世,享世一個月,希望牠可以快樂地主懷安息...
係蕃薯生前,牠體弱多病,而且是一個動物界的「禦宅族」,經常躲於龜屋內!
臨死前,總算可以吃得玩得,不過挺辛苦,經常因病呻吟...
|
|
| |
« | 517 | 518 | 519 | 520 | 521 | 522 | 523 | 524 | 525 | 526 | ... | 629 | »
|
