| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 7 日 星期三  |
| 定下計劃 |
分類: 未分類 |
今朝班主任時間,miss lee冇啦啦叫左12個同學,包括我在內,一齊去506聽佢講野,聽得佢講野都知道有咩事生,來來去去咪又係個d考試升班之類既問題...唉!唔係我唔想讀,而係我有心機,但係讀極都唔好,我唔知係咪溫書方法有問題,不過我都冇理咁多,總之升到班就掂,唔好搞咁多extra而無聊野...
聽完miss lee講野,我都覺得學校為何要搞一個「升班標準」,要我地走既,比埋個中五先叫我地走啦,讀到中四死唔斷氣咁,中五又未到,咁我地呢d「死唔斷氣」既學生,讀左中四,冇中五畢業,害死人呢?出面份份工都話要中五先請,咁點ar?難聽d咪學校唔要我地呢班被學校標誌住既trust lo...點都好,若學校比我地上埋去中五,出到會考,係慘d ga la,under於叻過你既人,但都有中五畢業ar!有中五,即等於你收聘率高過個d中三,始終係upper係中三程度又攞住中五畢業,自然有工搵有工做有機會啦!至於好似中四「死唔斷氣」既人,又點呢?冇中五程度?不可能搵到較優既工作!除左厭惡性行業lo,做掃街,洗碗,地盤,又或者好少少做領匯...領匯中三程度,做既工作係做一d係房屋署既商場既服務員,付負舉辦屋邨活動,協助遊客之類既工作,幾好既,至少冇咁辛苦,不過要個人既溝通技巧掂,唔掂又係唔請...
我真係唔知中四出到黎可以有d咩做,分分鐘我可能要讀毅進攞個5科合格...都好既!至少唔洗係文化中學浪費時間,毅進讀既野一定同今時今日既工作有重大關係,例如讀旅遊,同香港而家非常match,旅遊真係好好搵,除左有底薪,仲可以食佣,食佣食得多,自然人工都多d啦!
我個fd係上官讀,上官真係好正,有旅遊讀!旅遊真係好爽,又容易讀!點都好過讀中史,不過做旅遊業,要世史得,如果唔得又係做唔到!好彩我都ok既...
|
| 2006 年 6 月 6 日 星期二 |
| 餘下的日子 |
分類: 未分類 |
考試,又係考試,仲要學期尾既考試,餘下的日子我唔知點算...
雖我仲有動力去讀書,未至少好似班中既放棄人士,唉!佢地既放棄,有時都令覺得佢地既想法,點解可以選擇放棄?也許佢地屋企有業務,可以以「太子爺」既身份,係家人既公司或店舖中當上一些小職務,不過我就覺得,今時今日佢地咁既態度,係公司又如何呢?可能會幫唔到屋企人手,終日係公司「工作」,而「工作」並非工作,只係游手好閒,視公司為「遊樂場」...
冇個d就真係慘,難道要等到暑假,混混地打一份partime工作,其餘的都是玩樂...
至於我自己,都係「非太子爺組別」,冇任何家人親屬開設店舖或公司,我係讀書,不過讀極都係冇咩進步,而且有d科目長期位於「貧窮線」下,合格率少於10%,呢科就係econ,我真係唔知點讀!不過近期都有返些許既進步,至少我係econ既補測,我可以好快咁完成,而且合格率有上升既現象,好現象就有啦!不過考試又點算呢?我真係唔知點算!
溫就溫過,不過始終底子差,距離合格仲差好遠,好在都有西史同英文挺住,不至滅亡...
maths我真係冇辦法,由細到大都係咁既樣,我唔打算會係呢段期間有d咩神跡,最多祈禱啦,叫上帝比d聰明來...
cit就一向考天才,基本上我冇溫書,但點都好,天才唔係常常有,「付碌」就大把,人唔可以成世食住「付碌」上,應該係用真實力!
希望今次大步跨欄,一take過,一跨就冇跌倒或掛欄爆下體既問題... |
« | 515 | 516 | 517 | 518 | 519 | 520 | 521 | 522 | 523 | 524 | ... | 629 | »
|
