| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 5 日 星期一  |
| 世界盃vs六四事件 |
分類: 未分類 |
世界盃成為左好多香港人追蹤既對象,六四亦都係人們心目中國家既恥辱,呢兩個咁重要既事,我地都唔可以忘記...
世界盃下既六四紀念日係尋日舉行,雖然有好多人都只係掛住世界盃,但亦好多人都不忘六四呢個活動!
我從來都冇去過六四既紀念活動,我就覺得長毛個班人講個d政治問題真係好難明,事實上六四個時,雖同一年但我都未出世,差幾個月...
六四比我最深刻既印象係中國用98式坦克車將攔路既抗議既學生一個一個咁碌死,真係好鬼殘忍!最後d學生當然係「螳臂擋車」既下場,碌死個d變左做一堆堆既「肉漿意粉」...
其實我諗極都唔明白,點解今時今日一個民明既國家,卻有一個思想咁封閉既中國,我覺得一個國家要有進步,首先係要國家既思想開放,唔開放進步極都有限啦!已故國家領導人鄧小平佢就真係好smart,將國內既市場開放,充分反映佢有遠謀既人,毛澤東雖然都係一個好叻既人,不過咁又點呢?跟哂蘇聯行同一條路,不過比佢衰好彩,佢做完佢既任期後,賣埋咸鴨蛋之後,d領導人都冇再玩佢得咁激個味蘇聯共產,始終共產點都好容易搞到一個好窮,人愈來愈懶,做又36唔做又36,咁樣比著我都零願求其去個d「人民公社」搵一返工作,工作時又唔做野,求其做夠一個數目,做夠左之後,食枝煙,懶懶閒等收工...
共產主義又叫做蘇維埃主義,我地中國點解有共產,咁就要追溯返1942年既第二次世界大戰既時代,由於當時俄國發生內戰,起因是因為人民不願俄國再參與戰爭,繼而引起暴動內亂,形成內戰,那時列寧既出現得到大多數俄國人民支持,因為佢提出既蘇維埃主義,令大量農民喜愛,當時上一個世紀係一個工業開發既年代,出現大量富商及廠商,商人好多時都欺壓農民及工人,最基本一個例子,法國既工業革命都係因此得出,列寧可謂工人及農民既「救星」,佢打倒資本主義者、商界人士及富豪,由於列寧非常成功,又能幫助俄國人民脫貧,深得人民愛戴!二戰後,佢將俄國沙皇倒台,從此俄國不再既俄國,改名成「蘇維埃主義聯合共和國」,好一個蘇維埃既成立,令蘇聯內既有錢人變成一蚊都冇,因為主義入面係「階級平等」同「資產共有」,咁人人都要平等,咁就要因「批鬥」,將人民資產充公!
後來,到左冷戰時期,美蘇互相不告,美國為左幫助西歐國家,做左「馬歇爾計劃」,當然蘇聨死都要同美國拼過,不過唔係攻打美國,更唔係製作「第三次世界」大戰,而係做出「莫洛托夫計劃」,咁中國當時就好窮,因為個時打完國共內戰,即係國民黨vs共產黨啦!最後共產黨勝利,而國民黨既蔣介石同黨員逃難跑到台灣,台灣好好彩冇成為共產黨既目標,咁窮又打到七國咁亂,一個國家點都要由一個低谷回到正常,經過莫洛托夫計劃,再加中國共產黨既人協助下,我地偉大既祖國足之變左做中華人民共和國...
|
| 2006 年 6 月 4 日 星期日 |
| 電腦 |
分類: 未分類 |
電腦,我同電腦相處既時間好短,我未用過windows 3.0呢個windows既grand grand...father!只係用過windows95,98,me,2000,xp...
我識用電腦既時間好短,只係短短6年,中文字既輸入法速都只係由中二個時先至完全識用,以前打字例如自己個名,都要用成分幾鐘先至打哂,打icq同朋友吹水,分分鐘為左一個字而搞到打左成半個鐘先得到,有一次試過打字太慢,搞到人地都唔等我,什至886埋,真係瘀到七彩...中二個時打中文字作為測驗,咁個時都仲未打未打得好,咁測驗要打一段大約30字既小文章,我只係打左十個字,阿sir就話要收卷,當時我真係好無奈!
自至之後,我開始用icq,同朋友多d吹水,訓練自己打得快d,不過又遇上另一個問題,我老豆係一個幾固執同埋電腦白癡到七彩既人,佢經常認為玩icq係一個唔實際既活動,只會搞到人會愈來愈白癡,那麼我只覺得佢唔肯進步,呢個係佢自己既問題,當時佢做一d文件性既工作,都係搵自己隻手親自寫,到後來就好笑啦!科技既進步真係一日千里,好多政府部門例如要寄一d課程既申請表,咁有好多都要中文名,唔係好似申請icq個d咁求其打個名比佢,佢就慘啦!幸好多時都係要用屋企個塊手寫板,我就諗手寫板咁慢,點會快過打字呢?
不過個時我都要渡過好多手寫板既歲月,由於個時打字識打既未唔多,所以有時一d唔識既字,咁我就要開手寫板,最慘係有時一d多筆畫既字,例如好似「歲」字,當時既手寫板技術做得未咁好,認字成功率只70%,又時要順筆畫先認得出,簡單字就還可以,難既字就要認幾次,什至認都認唔到!認唔到字即係做唔到自己既工作,令我非常氣憤...
之後我全心全意咁去學倉頡,攞我細佬小學電腦班既筆記去學,自己係咁打報紙,但後來又覺得倉頡真係好難因為有時知道咩筆畫去要,咩要省略,我之後選擇打速成,速成係幾簡單既,不過就煩在係要搵字,但成功率咁高,咁點都練呢個啦!
到現家總算係電腦打字叻左d,打icq唔洗比人話我「站長」,又唔洗比人886,什至做功課,做project!
至於我老豆,佢到今日都唔識打字,不過佢總算有進步,以前佢咩都唔識,到依家識得點樣上網,不過衰左佢只係識上網攞黎玩e-mail同埋去一d外圍波盤賭下波仔,至今佢都唔識打字...真係有d失敗!別說佢係電腦唔識打字,連電話sms都唔識,佢仲居然話電話send sms係浪費金錢,打電話咪得lo,唉!send sms點都好過你打電話啦!你打電話點都係會搞到人地聽到,有時要講一d私人小小既話題,又要搞到秘秘密密咁走去一d少人既地方先至講,好麻煩!佢居然試過因為我send message send得多,搞到要收個d send message既付加費多,搞到我要比佢收起電話,咩道理ar?你唔識用就唔搵呢d野黎罵人啦!咁我有需要自然就會用ga la!唔通無聊又send比人咩?最離譜係打爆分鐘居然又罵我,佢真係瘋既,咁都係個句,有需要就用ga la!到左今日,佢都係唔識send sms...
不如講我阿媽,我阿媽什少接觸電子既用品,就連屋企個部電視既setting都係學左幾百次,都係唔曉!咁係既好多呢個年紀既家庭主婦,真係咩野電子野都唔曉,識揸到車個d已經係好叻!
我阿媽同我老豆有一點係唔同,就係學習既態度,我阿媽好鍾意學野,而且好快學識同埋好有心機去學,不過好快失憶,不過我老豆都係鍾意學野,不過學左就唔會再用,正如佢部mp3咁,n年都唔會用一次,連入歌仔都唔曉!
近期我阿媽就去個d社區中心學電腦,學電腦有用既,總算係戶外活動上再加一種戶內活動,仲要係接觸資源科技!不過佢個d真係初班之中既初班,學個d野係例如如何將一個file save落一個磁碟內,玩小畫家之類,簡單係幾簡單既,不過我覺得已經好過老豆,我老豆唔識玩小畫家...
人要同時代保持前進,唔好好似我老豆咁,學完又唔用,攞錢黎浪費,我老豆有咩叻,我做佢17年仔,都唔知佢叻d咩,叻少少既最多咪賭波賭馬仔,最多係文化上係英文!學下我阿媽,玩d有益既野,又唔好似賭咁,你賭極都係會輸,輸左又點呢?咪又係比馬會整草皮! |
« | 516 | 517 | 518 | 519 | 520 | 521 | 522 | 523 | 524 | 525 | ... | 629 | »
|
