公私分明呢樣野真係好重要,工事時應只作工事,私事還私事,呢個道理好多人知道,不過又有幾多人識得咁做!

公私唔分明,其實係反映你個人既處事係幾有問題,好容易將一d工作與私事混為一談,繼而好容易將一d小事搞大!所以我不論如何,係學校盡量都只係做自己既工事,相反某些同學卻係唔明呢個道理,經常係課堂上做一d唔合環境做既事,例如串人...串人唔係有d咩問題,不過希望佢地應該首先諗下自己身處既場合!不論場合是何處,首先諗既條件係自己係該場合所作既行為,諗下岩定唔岩!可惜佢地依然都係毫無禮儀地大聲講野,基本上係有點擾亂課堂...不過都算啦!我唔再理會佢地既事,的確呢d事唔係一個好既事,咁唔理反而會比較好d!

將人地既事混為一談,的確係有損人際闔係,不過好多時人就係咁,咩事都好似「大達地」攤出黎同人地互罵,係好多材料捉住人地痛腳,不過咁多點呢?廢盡唇舌,人地唔聽你講就係唔聽,有point又點呢?人地一樣有野話你,只係睇佢罵得係多與少...

人地咁罵過黎,我只會以「關人隱事」既態度處理,話知人地罵咩都好,但唔好以為呢個係「鴕鳥政策」,當一d野唔岩既時候,我不論如何都會出聲,不過當然係指係適當既時候啦!

要罵人就要搵適當既野黎罵,搵埋d無厘頸既野,仲要加埋自己少少幻想同創意,唉!咁罵呢d野唔單只係冇腦加幻稚,仲要反映出個人連最基本公事私事都分唔開,唔講做大事,連呢d事都處理唔到,咁不如節省少少啦!

有好多人都問我點解買sony ericsson T610而唔買其他更加新既機,我就諗我有錢先得ga!況且電話係應該要以實用為重!

近期d電話外形我個人覺得麻麻地,我唔鍾意摺機,因為大部份既機下下都要打開先聽到電話,擰機仲唔鍾意,因為我記得6年前我姑媽買左motorola既v70,v70係一部擰機,我姑媽用左1個月就要整機,因為個接觸能力好差,同埋好易hang(個時仲係黑白機),真係好煩!呢部v70最後既下場比我姑媽放左去二手檔...

彈鍵盤式手機多數都係samsung既design,不過我覺彈彈下就有一個弊病,就係如果該電話公司整得唔好,好容易會彈到鬆哂,明明有得彈變左冇得彈,仲要用手動!

nokia呢排d電話有時出到好大部,咁大部好麻煩,雖然係個moniter大,但係揸上手都唔係咁舒服!但如果用返一般size既機形,個芒又唔夠大,吹脤...

sony ericsson既機係我覺得比較靚既電話,不過衰左易hang,d避震能力真係麻麻地,我依家用緊T610,差唔多係sony ericsson既第一代機,芒總算係幾大,鈴聲雖然係midi,不過我個人要求唔高,講真聽歌梗係要玩woover 5.1聲道個d先夠皮啦!電話咁沙聲,除非再做得好d 啦!

3G,仲係香港係開發階段,唔係好多人用緊,不過台費真係幾貴!我呢d咁既中學生又對電話要求唔高,係就玩電腦個d msn或icq個d視像對話!

最主要有一個問題,就係電話買咁貴,好易比人打劫!早幾日,聯和墟就有一個女仔比一個越南非法入境既人搶手機,佢用把刀一野插入個女仔腎既位置,再搶機!事發既地點仲要係學校隔條馬路個間玩具公司過少少,唉!個女仔就慘啦!插爆左個腎,連個肝都插到,搞到要將果個被插傷既腎要切除,肝被插傷既位置都要cut少少,肝切左少少反而唔驚,因為肝有再生功能,但腎冇呢...爆左就要切,否則就會細菌感染并發症而死!