「珍珠」襲港,成為左好多學生同埋上班一族既希望,有8號風球自然定日唔洗返工返學,一係係屋企約埋成班朋友係度四方城,再唔係就一齊煲碟睇戲!不過而家仲係一號風球,都仲係維持住空想及發下白日夢的位置。

打風有好多「另類」而又唔知死既玩意,例如去尖東海旁又或者皇后碼頭睇住嘩啦嘩啦既浪花,有d鍾意同大自然拼命,走左去大浪灣玩滑浪,當然好命既咪返到黎岸邊lo,唔好命既一去冇回頭,石沉大海...

我最鍾意10號風球,除左唔洗返學之外,仲可以望下出面既環境,d雨完全毫無方向咁向住窗門拍打,爽爆!新界低窪地區個d就真係陰工公,平時我自己鍾意放下船仔,幾有樂趣,但10號風球下,就唔見得有d咩光彩,只係見到電視既一架架橡皮艇係度救人,睇落就唔覺得有d咩可憐,但實際上,人地間屋企就咁比洪沉左,而自己又係安全既屋企係度「幸在樂禍」,真有點過份...

我記得我中三升中四個年,我係上水龍豐某舊書店做下暑假工,當然我唔係做高政個檔搵笨野啦!佢個檔野真係「謀人店」,專比d搵笨野人地做...不過都唔夠以前龍豐獨霸天下的學榮,果個士頭婆好貴惡!搶佢生意又搵粗口「媽!」你(講真佢係龍豐做左咁多年,個名都響當當,又為何因為一兩個小生意係度媽呢?)而家佢件廢柴咪去左上水中心玩自閉lo...講返正題,當日3號風球,我照樣返去書店幫手,咁暑假冇野做咪返去lo,之後係幾個鐘頭之後,突然掛8號,咁就冇辦法啦!只好係書店繼續發霉,出奇地!打咁大風照樣有師奶幫親!好野!平時龍豐熱鬧既街頭,打風就變得突別靜,整氣龍豐既通度只係餘下書店既燈光...

呢個珍珠真係好鬼馬,要想打得大,佢又偏偏唔打大比你,講真上年已經全年冇風打黎香港,搞到我地呢d返工返學一族冇得休閒下,會考既咪當自己好彩有多d時間去讀好個科,雖然將整個會考時間表整到亂左,不過並唔代表有d咩問題,咁咪仲好唔洗幾科迫住上,迫住上咪仲辛苦...

打風唔洗返工返學,係天賜良緣,不過就好多戶外野就未必有得玩,行山就一定冇啦!游水夠彊你咪游lo,睇下幾時比大浪捲走,滑浪仲快搞點,唔好命既咪係咁先lo,如果出海旁睇浪的確係幾過隱既,不過你就一定要著雨衣而唔係雨傘,雨傘一開,風一吹,現成「雨傘掃帚」就出現左啦!

呢個夏天真係好飄忽無常,一時凍一時熱,好古怪,可能同菲律賓打風有關...

呢d天氣對行山呢講都唔錯既,好可惜我唔玩得,話哂6月就考試,點玩得落呢?考試考唔掂,分分鐘要離開禮記,學校最多只可以比一次機會留班,不過又令我回想起中一時既一位女同學

我真係好唔明,點解當時中一我有一位女同學,我唔明點當時佢中一已經repeat第一次,到我上中二個時,佢都仲係讀中一,到我中三個時,佢先至係中二,到左而家,佢當然冇讀啦!以個位女同學既為人,佢都唔讀書既,其實佢真係比學校咁困住都幾慘,可惜屋企人又要迫佢讀,對於屋企人黎講,咁都好既,因為如果佢唔讀書,肯定會經常性遊離浪蕩,佢既屋企人係咪返工就唔清楚,不過佢就好鍾意唔返學,就算返左學,都會借d意「咋病」,之後以早退名義打正牌閃人!

佢仲有時出「必殺技」,直頭係同d高form既朋友出埋去食飯,之後索性連書包都唔攞,自己走埋出去玩,之後放左學之後再返黎學校攞書包,咁放左學可以任出任入,又冇老師睇門口,之後佢上返黎課室攞埋書包走人!第二日點算呢?求求其其係個理由話自己病左,再係咁依自己「自製」既醫生紙比老師,呢個的確係一個非常「全面」既唔返學,什至係逃學既方法!

佢返學只係志在有人陪下,唔洗係屋企發霉,又有免費冷氣嘆下,鍾意聽書時咪聽書lo,唔鍾意時咪訓lo!

我覺得呢位女同學雖然壞,但係夠醒目,不過就走堂走得太多,搞到出席率不足,要見訓導!其實佢真係幾慘,唔鍾意讀書,但又要比政府限死,一定要搞掂最basic既9年免費教育,唔讀又唔得!其實佢係鍾意出黎做工,多過係學校讀書!如果做工,至先佢可以有動力為錢而工作,有錢佢可以自己點洗都得,話之佢洗大左,但都好過佢終日係學校發霉...