尋日同阿晴加埋阿b一齊游水,今日又再同steven一齊游,不過好可惜,居然天降雨來,仲黎一個雷暴警告,令游水泡湯了!

steven呢排都係忙碌地為會考而準備,不斷地加緊溫習,今日突然忙裹偷閒,搵我游水...真係好服佢點解會考仲可以搵時間玩,仲有時間打下機,也難怪佢係一個讀書既天才,英文可以年年都有頭3名,好似我咁就死啦!我連升中四都覺得好吃力,唔好講會考,連中五畢業都唔知得定係唔得,基本我都覺我個人智慧上係冇咩慧根,計數比人慢5倍,所以會計同數學永遠學得唔好...

咁耐冇見佢,肯定有大把野講,一路游一路吹水,吹game吹槍經!的確係幾舒服既!尋日就陽光普照,今日就天陰陰,仲要整幾滴雨,水溫不斷下降...

後來救生員就話雷暴警告,要清場...唉!真係倒楣!游水連半個鐘都冇就要「散水」,可以話係非常黑仔,如果冇落水就還好,落左水又再上水真係幾煩,算!放學返完黎一身汗咪當沖涼lo...

其實呢排有時真係幾悶,天氣太熱又行唔到山,咁熱上山中暑都似,玩pc game又唔係太想玩,去打街機又唔想比咁多錢出黎打!而家多數都係出去行街,好想玩獨木舟,可惜我仲未考一級獨木舟,外展訓練學校個時都有玩過,不過唔知租獨木舟個d水上活動中心受唔受!

總之呢排諗活動真係頭痛...

返大陸近期就返多左,返大陸不外乎都係打保齡,唱k...呢d都係我d屋企人同親戚所認為最好玩既玩意,不過我就覺得幾悶...

尋日由黃崗過境,記得細個時返大陸去旅行,新年時期由黃崗入,嘩!d人多到爆,好彩我唔係搭黃巴入,而係個d粵港巴士,如果搭黃巴人又多,又要排成個鐘先至過到境,咁樣我零願由羅湖過,至少可以有些微既冷氣,不至焗死...

黃崗口崗自從上個幾年話24小時通關,多左好多人過境,好多都係男士,點解呢?不外乎咪又係個「滾」字...黃崗呢個地方已經成為左好多嫖客既方便,24小時通關,唔怕成晚唔返黎比老婆鬧,可以上完大陸個頭「家」,仲可以好方便快捷咁安全回到香港既家,的確既方便...對於我叔仔黎講都係方便,不過唔係指「嫖」,放心!我叔仔為人正直,唔會因為呢個方面而發展,況且佢係褔民都有個咁靚既女友,又洗唔洗走去「滾」呢?對於佢黎講,由褔民搭車去黃崗只係10分鐘,再由黃崗過境係5分鐘,出到香港呢邊由落馬洲搭車,以紅van黎計,都只35分鐘出到中環,我叔仔係灣仔返工,行幾步就可以返到公司...10+5+35=55,前後加減5分鐘,都係1個鐘左右...

如果係大陸住,唔係唔好,只不過最驚係打荷包、爆隔,什至個d扑頭黨毒針黨之類既問題...個d新彊仔好快手ga!係手指個度加條刀片,一介就褲破而銀包得手...