呢排d初中去左一個3日2夜既福音營,我問一個樂行既會員,佢就話幾好玩,我就諗福音營其實都要睇去邊先至好玩,麥理浩夫人渡假村或者北潭涌渡假營先至好玩,烏溪沙就悶左d啦...據我細佬講,佢小六個時去烏溪沙真係好少野玩,而且佢覺得好悶!佢仲話零願行多幾次山辛苦d都唔想再去烏溪沙...

呢次福音營咁岩係同樂行既長洲活動撞正,搞到樂行既活動少左好多中一去,不過咁都好既,勁既中一始終係度,唔會搞到成team人廢哂!不過最慘係福音營搶左樂行唔少生意,幸好損失不算嚴重...

福音營令我諗返起中一個時去福音營,個時真係好好玩,唔單止識到好多隔離班d fd,而且d活動又抵死,估唔到d老師居然可以咁高b,玩同design d高b game!不過呢d game都係其次,最好玩係夜晚入去其他人既房,當然呢d房係男仔啦!唔洗估估下...咁個時係係麥理夫人渡假村,夜晚係有村內既巡村既保安,佢地會用一架golf車去巡村,另外仲有老師去巡屋,我地幾個男仔就好似人地d 飛虎隊咁,好快咁走去對方個間屋,當中我地都用左成15分鐘先至到,由於保安都好嚴密,所以要咁耐先至完成...咁我地到左個fd間屋,係入面玩枕頭battle,有人玩到比人圍揪,死得好可憐,當然呢個人冇可能係我啦,我呢d由小學打到上中學既人,點都係同人地聯盟揪人地果個,呢位比人揪朋友就係家其仔,我仲好記得阿揚揪到佢冇得還拖,笑死人啦!最變態既係,兆倫仲傻到我地玩摔角,簡直係「散打王冠角」...

我對福音營感覺都算唔錯,不過自從個時3c話搞camp,去book大嶼山貝澳或者塘福既渡假屋之後,我就覺得呢d camp好玩好多,除左大家可以一齊玩,限制少,而且可以啤酒任吹,煙仔任扯,仲要可以同fd share煙仔,無愁彈藥欠缺,萬寶路綠威不在話說...我記得個時同3c去camp,我同包姐,carman,家榮仔,雞翼幾條友一齊煲煙仔,個次3日兩夜,我知道左家榮原來係一個忠實既萬寶路既忠實煙迷,簡單d黎講係煙鏟,包姐都係一個綠威既煙鏟,雞翼同我都係一個小煙民,小量發展...

不過之後去得多呢d camp,3c成班友都覺得有d悶,之後我地都冇再玩呢d camp,我好想搞返呢d camp,不過都好有難度,因為佢地大部分都上左中五,雞翼又係加拿大,要今年暑假先返,中五班友又要考會考!所以搞呢d野真係要花d時間同機會去搞!

3c,我諗真係要花一d時間先至可以再大家一齊玩!

我唔明白,點解假期一定要出一大堆既功課,一大堆功課做完之外咪又係不外如事,好多人都會求其地了事,又或選擇唔做唔交功課!我都好想唔洗做功課,學似美國或者一些歐洲國家既學校咁,假期零功課,假期就自然可以多d活動,多d時間出去玩!

功課多,自然煩惱增加,當你係做功課其間,唔似係學校咁咁多規則同局限,係屋企係非常之多引誘,當引誘係你身邊不斷影響你既時候,好不自然地,你就會好想去尋求你既娛樂,好自然就會去左你既電腦、電視、什至ps之類...唉!假期仲要屈係屋企,真係悶極!

相反d老師仲可以好enjoy地去旅行,有時唔係幾服氣!我地係假期做佢地出既功課,娛樂時間大大減少,佢地居然去旅行,呢d真係「我工作時佢享福」,我地返學佢地都係返工,我地放假要做功課,佢地又唔洗做,仲要去旅行!

我真係好鍾意外國既學校生活,佢地真係好free,舉個例!我表哥表姐係荷蘭長大,荷蘭讀書,佢地平日既功課量真係好少,最多都係一兩本作業,而且做既時間什短,1個鐘之內咩功課都可以做完,做完功課仲可以同隔離鄰舍落街打下波又或者去行下街!我就真係完全冇可能,落街打波?邊有咁既心情呢?返完一日都累到死,仲講打波?行街?仲邊有時間呢?唔洗做功課咩?d功課鬼死咁多,第日分分鐘仲要大測小測,何來咁開心有咁多娛樂,零願爭取一下d時間,係屋企邊做功課邊玩icq或msn好過la!什至打下日記,發表下自己d野!

抄功課,我就真係唔係幾想啦!抄功課自己又學唔到野,只會自己虧抵!搵高手幫手做功課,更加唔想,有時呢d野又要收錢,我有錢就咁做,但我唔係有錢嘛...不如貯多d錢買下行山野好過la!

諗起以前,我好鍾意抄人地功課,但係倒返轉諗,唉!抄左落黎又有幾多得益呢...抄得唔好又容易比老師斷正,做得唔好又要比老師屌,想花多d時間玩,但又比功課困住哂!

唉!做功課,倒不如出黎見下世面,做下工搵下錢,有錢至少可以自己製造一下理想!