近日係巴士上出面左一位因火爆而紅遍手機加互聯網界既大叔,呢位大叔真係好好火,仲好火過火山,教訓後生仔之餘仲要搵粗口問候下片中個位後生既青年!

今日上cit堂,呢段片成為左4c班cit班同學既最愛,最好野既係居然由師父珍珍去播片,佢成日揙折地怕播左d「阿叔粗口」,一時大聲就一時細聲,真係比佢激死,有本事既就大聲播啦!反正313室係尾房,d聲都唔怕咁響!

大叔係巴士既英俊造型都唔夠,仲要係有夠power既聲線襯托住,搞到個後生counter(反擊)既機會都冇!全片10幾分鐘,阿叔就教訓足個後生冇咁耐得咁耐,呢d「教育」好過去英皇或者遵理補習!

人可以因為一個電話既問題,搞到動粗爆火,真係幾低能!最好笑係「問侯」完人地,仲要握握手做好朋友,人地好火先至同你握手,唔好火個時開拖隻揪隻啦!我唔明點解個阿叔咁夠彊出黎同人挑戰,我更唔明既係個後生d EQ點解咁好,忍足個阿叔10幾分鐘!比著我唔忍啦!我就唔會同打,因為個時已經係夜晚2200至0000,搞到上差館咪唔洗訓,不過我肯定同佢互吵lo!

今日炎熱非常,真係行一行都汗流浹背,返學個時還可以,放學個時真係生煎人肉!

等巴士既時候,巴士站既陽光,真係熱到爆!

諗起定日仲有體育堂,仲好似話要體能測驗,咁就大鑊la!咁熱既天氣,唔好話打波,連掌上壓或situp都覺得辛苦!諗起上年既5月中,樂行之友仲可以去行馬鞍山吊手岩,今年就真係絕對冇可能,分分鐘成隊人未上山已經中哂暑,分分鐘中暑暴斃埋!

咁熱既暑假,教人怎麼過?戶外既除左游水或者去扒艇仔,咁就應該冇野玩la!好可能今年係要屋企...行山,我諗冇咩可能!又或者同班fd去海邊搞wildcamp,呢個主意都唔錯!