昨夜落狗屎既凌晨,今晨居然來個陰天唔落雨,本來打算可以安安定定咁係屋企訓耐dd,不過一朝醒來一切既空想完全令我失望...唉!
一起身我帶住疲倦既身體走出屋企,雖然平時既星期一既返學時間我都係咁,不過落雨更令我覺得更累,而家仲慘,本來有天大既喜訊-唔洗訓學,令我又失望又疲累...
唔洗訓學的確係幾令人興奮,我自己唔係鍾意返學既人,係幼稚園時期,我已經有一次逃學,可惜失敗,就係趁一入學校門口,咁返學實會有大量家長同埋學生係哂門口,我就係打算趁人多,入左學校門口,再趁機會溜走!幼稚園有咁既想法,小學又點會冇呢類型既想法呢?小學六年班,我個時係讀李志達既下午班,咁同班fd食完新都大家樂,咁就慢慢行返學校,學校好近翠麗花園,我地趁學校返學時間仲未夠,咪去翠麗打個round先lo,之後係成個翠麗花園玩hide & seek,正到爆!之後幾個男仔本來諗住玩到唔返學,但後來又諗曠課好大鑊ga 播,學校係會打去屋企通緝,最後搞到要由翠麗花園以100米賽跑飛毛腿跑返學校...我d fd直頭跑到返學校既校門個度嘔...陰公!中學就真係冇呢d野搞啦,點樣退學曠課,又有咩著數ar?d老師又會問前問後,又話醫生紙,又要請假信!我屋企人唔係話咁開通,話唔返學就唔返學,d屋企仲會可以幫你打埋請假電話,寫埋請假信,如果有d親戚係醫生,可以「做」張醫生紙出黎!呢個fd就係我小學時,同我同班既一位同學,叫古仔!古仔佢幾頭真係有米,佢老頭係一間木廠既大股東,賺既錢當然多啦!有錢到暑假係可以去歐洲玩足4星期,雖佢屋企有米,不過非常節儉,是一個良好既家庭!住就只係普通的石湖新村既丁屋,平時既衣著都係好樸素...
落雨,總算係幫助左我一個忙,5月頭(有佛我打算行下西貢d山,成日都係北區或者港島好悶,4,5月天時暑熱對行山的確係一個難題,別說上山,連跑步都辛苦!咩住最少8至10磅,仲要d汗不斷地滴下滴下,非常辛苦!不過落雨令到氣溫下降,行山就變得容易得多!
其實紅雨黑雨的確係幾難有機會落得到,仲要對正返學時間黎落,落正真係好開心ar!不過機會就非常難逢,紅雨或者黑雨呢d情況除左打風之外,就係一日之中,若早上,中下午加埋黃昏時間非常炎熱,平均有27至30攝氏度個d咁熱既氣溫,若地面蒸發強,而且水量充足,到左夜晚,好多時就會出現大雨,不過落雨都要好講風向同埋當日既蒸騰量,如果風向吹正香港又夠蒸騰量,咁紅雨黑雨呢d情況咪好易會半夜落到第二朝都未停lo!
我記得小學個時,我個時多數都係冇2點都唔訓,我好鍾意落雨,由其係行雷閃電,行雷既恐怖又大聲,可以係愈睇愈驚,不過d電光就非常之正!一路睇雷,一路聽收音機...就係咁一路聽音機,一路等好消息,不過有時遇唔正搞到成晚眼光光,悶到死...
落雨原來都有咁多好處...
|
