係我學校,一向有好多殘酷過殘酷一叮既老師,不論男女,不論年紀大與少,佢地都可以各出其發,各出新招!輕則就比佢地玩死,重則留堂留死你,問你驚唔驚?呢個殘酷既事實總會有好少少既一面,例如我師父珍珍就係一個好老師,至少佢罰人唔會咁變態,相反如果比一d訓遵組個班老師罰正,咁你就死得好可憐,早放學既事實基本上係冇可能!今日我足之中了招...
星期一我冇返半日學,搞到中文默書冇默到,咁星期二佢叫我默返,我唔記得,算!星期三放假清明節,之後到左星期四即尋日,我因為要去同學校商討返個sba失書既事,唉!真慘失書,搞到要自己動身出去沙田買返本書...之後經過一輪既討論及手續,足之用左成半個鐘先搞得掂,搞完之後頭昏腦脹,連中文默書都唔記得去默,我返到屋企食飯個時先至記得,唉哎!死火,今日爽左黃老吉既約,定日肯定比佢罵到打靶都似,不過結果總算係好少少,佢以一d不客氣既語氣同我講...
放學個時,我照舊去左樂行個個會議,之後我上返課室溫中默,我又驚唔識,搞到係課室背左好耐...唉!星期六日背好哂!返到學校好似咩都唔識,好多人都會以為我冇溫書,唉!大佬我唔係冇溫ar!而係我係一個背唔到書既人,我一生以來,背默大部都係唔合格,例如好似我小學三年級既默書,上下學期中文默書平均分加埋除埋都係零,因為我小三既默書全部都係食蛋,相反英文我全部一百分,我諗呢d咁好既成績都冇人能及,所以我認定,我呢世人係記憶能力極差,差到連背默都做唔到...莫講係背默,我連背中史都背唔到,相反地d西方野西史我就ok wo!再舉多個例,中文既ge卷同埋英文既ge卷相比,中文我又係好容易唔合格,英文ge就好簡單輕鬆咁合格...唉!天ar!我係咪中國來的?為何身在香港,出世又係香港,血統又都係一個簡單既中國人,但係點解居然英文仲好過中文,難道係阿爺既關係,阿爺以前年輕時都係住係美國舊金山,據阿爸講,阿爺以前d英文唔錯,咁阿爸d英文都有返咁上下,唔通有呢d遺傳咁有趣?
咁我比黃老吉罰到傻,佢係咁叫我背默,錯一隻字都要重默,我諗緊萬一佢自己個兩個女一旦做錯左事,或者成績唔好,黃老吉佢會點樣對付佢d女呢?如果我係佢d仔女,再加個我阿爸,兩個都係變態族人,咁我咪好大鑊?
到左最後,我搞到成6點幾先至離開學校...
人冇記性,真係一件好慘既事,我好多時都要面對唔記得野個時,又要回想起既痛苦,有時唔記得仲慘,諗到你個頭都爆!你叫我速記還可以,記一d份量少既,又或者一d戲劇台詞,叫我背書,真係完全冇可能記到!如果我背到書既,我考試或者背默都應付自如la!
我既問題係今日背書背好哂,定日可以係咩記憶都冇哂,但生活既事物記憶就完全係度,只係背書既內容冇哂!我嘗試過用生活既事件再諗返背書個d內容,但係我係唔可以諗起,又試諗一本書個頁數,書一本既圖案或者一d文字,但都係唔得!反而我行山就可以即行即記,d景物可以非常清楚,我係可以空想一座行過既山既位置同路線,雞公嶺呢座山可以用15秒就諗起整座山既樣,西貢都好快,5分鐘就諗得到蚺蛇尖既野!
|
